بھارت نے جنوبی ایشیا کے کروڑوں معصوم لوگوں کی زندگیاں دا ئو پر لگا دیں

نئی دہلی (اُردو پوائنٹ اخبارتازہ ترین - آئی این پی۔ 14 فروری2017ء) بھارت نے جنوبی ایشیا کے کروڑوں معصوم عوام کی زندگیاں دا ئو پر لگا دیں، کرناٹک میں تباہ کن نیوکلیئر تھرمو بم بنانے کیلئے پورا ایٹمی شہر تعمیر کر دیا، نیوکلیئر تھرمو بم ایٹم بم سے بھی دوگنی تباہی لانے کی صلاحیت رکھتا ہے، عالمی ایٹمی ماہرین نے منصوبے کو خطے کے امن کیلئے تباہ کن قرار دے دیا۔

غیر ملکی میڈیا رپورٹس بھارت نے خفیہ ایٹمی شہر کی تعمیر کا آغاز 2012 میں کیا، کرناٹک شہر میں 27 کلومیٹر رقبہ راتوں رات آمدورفت کے لیے ممنوع قرار دے دیا گیا، علاقہ مکین دربدر ہوئے پھر راز کھلا کہ یہاں خطرناک ترین ایٹمی ہتھیار بنانے کے لیے پورا شہر آباد ہو چکا ہے۔اس خفیہ ایٹمی مرکز میں تھرمو نیوکلر بم بنانے کے لیے دن رات تجربات ہوتے ہیں، ایسا بم جو ایٹم بم سے بھی دوگنا زیادہ تباہی لا تا ہے۔

(جاری ہے)

منصوبے کو پراسرار رکھنے کے لیے وسیع رقبے پر 15 فٹ اونچی دیوار بنائی گئی ہے، اس دیوار کے پیچھے اب کروڑوں لوگوں کو پل بھر میں موت کی نیند سلانے کے لیے خطرناک ترین ایٹمی ہتھیار بنانے کی کوششیں جاری ہیں۔سٹیلائیٹ کے ذریعے اس خفیہ منصوبے کی تصاویر بھی منظرعام پر آ چکی ہیں، عالمی ایٹمی ماہرین نے خبردار کیا ہے کہ بھارت کا یہ خفیہ ایٹمی منصوبہ پورے خطے کے امن کے لیے تباہ کن ہے لیکن عالمی طاقتیں اب بھی آنکھیں کھولنے کو تیار نہیں۔

دوسری طرف بھارت کے ایٹمی مواد کی حفاظت کے نظام پر عالمی ادارے کئی بار تحفظات کا اا ظہار کر چکے اور ایران اور شمالی کوریا کے بعد اسے ناقص ترین قرار دیا جا چکا۔زیرزمین ایٹمی تجربات سے کرناٹک کے پورے علاقے میں پانی مکمل طور پر خشک ہو چکا ہے اور ہر طرف خشک سالی ہے اور اس کی وجہ سے بھوک کے ڈیرے ہیں۔