واشنگٹن (اُردو پوائنٹ اخبارتازہ ترین - آئی این پی۔ 22 فروری2017ء) جرمن ،برطانوی اور جاپانی میڈیا کے بعد ممتاز امریکی اخبار ’’واشنگٹن پوسٹ‘‘ نے بھی
پاکستان کی تیزی سے ترقی کرتی معیشت کا اعتراف کرتے ہوئے کہاہے کہ دہشتگردی کا شکار ہونے کے باوجود
پاکستان کی معیشت عروج پر ہے ،
پاکستان نے 2016 میں ایشیا میں اپنی سب سے بہترین اسٹاک مارکیٹ ہونے کا لوہا منوایا،
کراچی سٹاک ایکسچینج انڈیکس گزشتہ سال کے مقابلے میں 52فیصد سے زائد ہے اور مزید بلند ہورہا ہے ۔
معروف امریکی اخبار ’’واشنگٹن پوسٹ‘‘ کی رپورٹ میں کہا گیا ہے کہ
پاکستان جو دہشتگرد حملوںکی وجہ سے مشہور تھا اورگزشتہ ہفتے
پاکستان میں ایک خودکش حملے میں 80افراد کی جانیں لی گئیں جس کے بعد حکومت نے عسکریت پسندوں کے خلاف کریک ڈائون شروع کیا کی معیشت عروج پر ہے ۔
(جاری ہے)
رپورٹ میں کہا گیا ہے کہ دہشتگردی کی شہ سرخیوں ،بغاوتوں اور عدم استحکام، سالوں کی پسماندگی اور غربت کے باعث کوئی بھی پاکستان کو پرکشش ملک قرار دینے کو تیار نہیں تھا۔
لیکن اتنی جلدی نہیں شہ سرخیوں میں دیکھیں
پاکستان آج کیا ہے اس نے 2016 میں ایشیا میں اپنی سب سے بہترین اسٹاک مارکیٹ کو ثابت کیا۔
کراچی سٹاک ایکسچینج انڈیکس گزشتہ سال کے مقابلے میں 52فیصد سے زائد ہے اور بلند ہورہا ہے
۔پاکستان عالمی مالیاتی فنڈ(آئی ایم ایف ) سے ستائش حاصل کررہا ہے اور عالمی بینک کے مطابق اسکی معیشت 2017میں 5.2فیصد شرح نمو سے ترقی کررہی ہے ۔
رپورٹ میں کہا گیاہے کہ تین اہم عوامل
پاکستان کی معاشی بیداری کو چلا رہے ہیں ،حالیہ دہشتگرد حملوں کے باوجود سیکورٹی کی آب وہوا میں بہتری ،سیاسی استحکام اور متوسط طبقے کی مالی حالت میں بہتری ہے ۔یہ تین ایک دوسرے سے جڑے حصے
پاکستان کی ترقی کی کہانی کو طاقت بخش رہے ہیں۔ امریکی جریدے فوربز نے گزشتہ روز اپنی رپورٹ میں کہا تھاکہ
پاکستان کی حصص مارکیٹ کاروبار اور سرمایہ کاری کے لیے پرکشش مارکیٹ بن گئی ہے۔
فوربز نے
پاکستان اسٹاک ایکسچینج کی کار کردگی کو سراہا ہے۔ایک رپورٹ میںفوربز کا کہنا تھا کہ
پاکستان کی اسٹاک مارکیٹ کی کار کردگی میں کئی سازگار معاشی عوامل شامل ہیں،ان معاشی اصولوں میں وسیع ہوتا میکرو اکنامک ماحول ، بڑھتی ہوئی اقتصادی ترقی ،گرتا افراط زر اور شرح سود شامل ہیں۔2016میں
پاکستان کی معاشی نمو چھ فی صد رہی ، 2015میں یہ شرح چاراعشاریہ آٹھ فی صد تھی ۔
