آئی ٹین کے رہائشیوں کے وفد کی چیف میٹرو پولیٹن آفیسر اور اسلام آباد کے ڈپٹی میئر سے ملاقات ، پانی کی عدم دستیابی سے آگاہ کیا

پیر 20 مارچ 2017 20:38

اسلام آباد ۔ (اُردو پوائنٹ اخبارتازہ ترین - اے پی پی۔ 20 مارچ2017ء) جماعت اسلامی اسلام آباد کے رہنماء میاںمحمد رمضان نے آئی ٹین کے رہائشیوں کے ایک وفد کے ہمراہ چیف میٹرو پولیٹن آفیسر اسد کیانی اور اسلام آباد کے ڈپٹی میئر سیّد ذیشان علی نقوی سے ملاقات کی ، انہیں سیکٹر آئی ٹین اور ملحقہ علاقوں میں پانی کی عدم دستیابی سے آگاہ کیا۔

(جاری ہے)

وفد میں طارق خٹک، شکیل گجر، رانا ندیم، آفتاب حمید اور دیگر معززین علاقہ شام تھے۔

میٹرو پولیٹن کارپوریشن حکام کی طرف سے سیکٹر آئی ٹین میں فرہمی آب کے مسائل حل کرنے کیلئے اقدامات کی یقین دہانی کرائی گئی اور کہا گیا کہ شہریوں کی شکایات کا فوری حل ممکن بنایا جائے گا۔ اس موقع پر جماعت اسلامی کے رہنماء میاں محمد رمضان نے خراب ٹیوب ویلوں کی مرمت کا بھی مطالبہ کیا۔