وزارت داخلہ کی منظوری کے بعد ایف آئی اے نے سابق چیئرمین نادرا امتیاز تاجور کیخلاف تحقیقات مکمل کر کے ایف آئی آر درج کر لی

منگل 21 مارچ 2017 15:11

اسلام آباد (اُردو پوائنٹ اخبارتازہ ترین - این این آئی۔ 21 مارچ2017ء) وزارت داخلہ کی منظوری کے بعد ایف آئی اے نے سابق چیئرمین نادرا امتیاز تاجور کیخلاف تحقیقات مکمل کر کے ایف آئی آر درج کر لی ۔ایف آی اے نے ایف آئی آر بدعنوانی، اختیارات سے تجاوز، اور کرپشن کی دفعہ 47(2)5 پی سی اے کے تحت درج کی۔

(جاری ہے)

تحقیقات کے مطابق سابقہ چیئرمین نادرا امتیاز تاجور نے اختیارات کا ناجائز استعمال کرتے ھوئے لاکھوں روپے نادرا فنڈ سے اپنے ذاتی استعمال میں لاتے ھوئے خورد برد کیے ۔ایف آئی اے کی تحقیقات کے نتیجے میں یہ بات سامنے آئی کہ سابقہ چئیرمین امتیاز تاجور نے ناجائز طریقے سے بناء جانے والی رقم سے اپنے بچوں کی ویزہ فیس، صدقے کے بکرے، اور رشتے داروں کو مہنگے تحائف دلوائے۔