گزشتہ سال کی طرح رواں سال بھی گرم ر ہیگا ، رپورٹ

ماحولیات میں تبدیلوں کے سبب شدید موسم سے متعلق واقعات میں اضافہ ہو رہا ہے ،ْورلڈ میٹرو لوجیکل آرگنائزیشن

منگل 21 مارچ 2017 15:16

گزشتہ سال کی طرح رواں سال بھی گرم ر ہیگا ، رپورٹ

اسلام آباد (اُردو پوائنٹ اخبارتازہ ترین - این این آئی۔ 21 مارچ2017ء) ورلڈ میٹرولوجیکل آرگنائزیشن نے اپنی رپورٹ میں کہا ہے کہ رواں سال بھی گزشتہ سال کی طرح گرم رہے گا ،ْ ماحولیات میں تبدیلوں کے سبب شدید موسم سے متعلق واقعات میں اضافہ ہو رہا ہے ۔ورلڈ میٹرولوجیکل آرگنائزیشن کی رپورٹ کے مطابق گزشتہ سال گرم درجہ حرارت کے تمام ریکارڈ ٹوٹ گئے تھے اور ماہرین نے بتایا کہ اس سال بھی موسمیاتی شدت برقرار رہے گی ۔

(جاری ہے)

ادارے کے مطابق دنیا بھر میں موسمیاتی تبدیلیوں کے اثرات نمایاں طور پر نظر آرہے ہیں ،ْ امریکہ اور کینیڈا میں اس سال بھی غیر معمولی طور پر گرم رہیں گے ،ْ جزیرہ نما عرب اور شمالی افریقا میں بھی موسمیاتی تغیر نمایاں ہے جس کی واضح مثال اس سال کے آغاز میں ان خطوں میں ہونے والی سردی ہے ۔موسم کی غیر معمولی تبدیلیوں کے اثرات کے علاوہ سب سے اہم عنصر کاربن ڈائی آکسائڈ گیس کا اخراج ہے جس میں ہر سال اضافہ ہورہا ہے ۔بحیرہ آرکٹک کی برف خاصی تیزی کے ساتھ پگھل رہی ہے جس سے سطح سمند بھی بلند ہو رہی ہے ۔ ماحولیات میں تبدیلوں کے سبب شدید موسم سے متعلق واقعات میں اضافہ ہو رہا ہے۔