پاکستان سکواش فیڈریشن نے ملکی تاریخ میں اپنی نوعیت کے پہلے سکواش کلاس روم پراجیکٹ کا آغاز کر دیا

جمعہ 24 مارچ 2017 15:44

اسلام آباد (اُردو پوائنٹ اخبارتازہ ترین - آئی این پی۔ 24 مارچ2017ء) پاکستان سکواش فیڈریشن نے ملک تاریخ میں اپنی نوعیت کے پہلے سکواش کلاس روم پراجیکٹ کا آغاز کر دیا جس کا مقصد گراس روٹ سطح پر سکواش کھیل کا فروغ ہے۔ اس حوالے سے خصوصی تقریب مصحف سکواش کمپلیکس اسلام آباد میں منعقد ہوئی جس میں پاکستان سکواش فیڈریشن کے سیکرٹری گروپ کیپٹن عامر نواز، قائم مقام آسٹریلین ہائی کمشنر جیورک یوسٹک سمیت دیگر حکام نے شرکت کی۔

سکواش فیڈریشن کے سیکرٹری عامر نواز نے بتایا کہ پراجیکٹ پہلے مرحلے میں اسلام آباد۔ لاہور۔ کراچی۔ پشاور میں سکواش کلاس رومز کا آغاز کیا جائیگا جس کیلئے فنڈنگ آسٹریلین ہائی کمیشن کرئے گی جبکہ یہ پراجیکٹ پاکستان سکواش فیڈریشن کی نگرانی میں چلے گا۔

(جاری ہے)

اس موقع پر قائم مقام آسٹریلین ہائی کمشنر جیورک یوسٹک کا کہنا تھا کہ اسکواش کی پاکستان میں ایک طویل اور شاندار تاریخ ہے،پاکستان سات بار عالمی چیمپئن رہا اورکئی دہائیوں سے سکوائش کے بین الاقوامی منظر پر غالب رہا،انہوں نے کہاکہ آسٹریلیا نے خارجہ پالیسی کی ترقی کے لیے کھیلوں کو ایک آلے کے طور پر استعمال کیا جبکہ ہماری خارجہ پالیسی کی ترقی کے لئے ایک آلہ کے طور پر کا استعمال کیا ہے،ان کا کہنا تھا کہ چھے سو زیادہ نوجوان اس سال اس پروگرام میں حصہ لیں گے،،، اور سکواش، صحت اور تعلیم میں مہارت حاصل کریں گے۔