دبئی ائیرپورٹ پرسونے سے بھرے جوتے چھوڑکر بھاگنے والاشخص گرفتار

مالک کی غیر موجودگی میں ایشیائی تارک وطن چوری کرکے بھاگ رہا تھا،اعتراف جرم کرلیا

اتوار 26 مارچ 2017 12:20

دبئی ائیرپورٹ پرسونے سے بھرے جوتے چھوڑکر بھاگنے والاشخص گرفتار
دبئی(اُردو پوائنٹ اخبارتازہ ترین - این این آئی۔ 26 مارچ2017ء) متحدہ عرب امارات کے شہر دبئی کے مرکزی بین الاقوامی ہوائی اڈے پر ایک عجیب وغریب واقعہ پیش آیا جب ایک مسافرنے جوتے اتار کر رکھ دیے اور خود ننگے پاؤں جہاز کی طرف چل پڑا۔

(جاری ہے)

میڈیارپورٹس کے مطابق دبئی میں جرائم کے مقدمات نمٹانے والی عدالت کو بتایا گیا کہ ایک ایشیائی شہری جس کی شناخت ظاہر نہیں کی گئی نے ’نخلہ جمیرا‘ کے مقام پر واقع اپنے مالک کے گھر سے ایک لاکھ 5ہزار درہم اور 3لاکھ 85 ہزار مالیت کا 2.6 کلوگرام سونا،18 ہزار درہم مالیت کی ایک انگشتری چوری کرنے کے بعد اپنے ملک فرار ہونے کی کوشش کی مگر ملزم پکڑا گیا۔

پولیس کا کہنا تھاکہ ملزم کا مالک بیرون ملک تھا۔ اس نے مالک سے اپنا پاسپورٹ اور دیگر سفری دستاویزات بھی لے لی تھیں۔ جب اس نے دیکھا کہ اس کا مالک گھر پر موجود نہیں۔ اس نے نقدی، زیورات اٹھائے اور اپنے ملک فرارکے لیے دبئی ہوائی اڈے پر پہنچ گیا۔ اسے الیکٹرانک چیکنگ کے لیے نصب گیٹ سے گذرنا تھا مگراس نے اپنے جوتے وہیں اتار دیے جن میں سونے کے زیورات موجود تھے۔ وہ وہاں سے ننگے پاؤں آگے چل پڑا تاہم سیکیورٹٰی حکام نے اس کی نشاندہی کرنے کے بعد اسے بیرون ملک فرار سے قبل ہی حراست میں لے لیا۔ دوران تفتیش اس نے اپنے جرم کا اعتراف کیا ہے۔

متعلقہ عنوان :