شا نگلہ میں غیر اعلانیہ اورناروا لوڈ شیڈنگ ،اووربلنگ، محکمہ واپڈا میں سٹاف کی کمی، عوام سراپا احتجاج

الپوری(اُردو پوائنٹ اخبارتازہ ترین - آن لائن۔ 26 مارچ2017ء) شا نگلہ ضلع بھر میں غیر اعلانیہ اورناروا لوڈ شیڈنگ ،اووربلنگ اور محکمہ واپڈا میں سٹاف کی کمی کے خلاف عوام بلبلا اٹھے سراپا احتجاج ،شانگلہ میں گزشتہ کئی دنوں سے ناروا لوڈ شیڈنگ کا سلسلہ بدستور جاری، کئی گھنٹے تک بجلی بند، گزشتہ روز چوبیس گھنٹے تک بجلی سپلائی بند رہی، ناروا لوڈ شیڈنگ سے کاروباری نظام شدید متاثر۔

مقامی لوگوں کو شدید مشکلات کا سامنا،لوڈ شیڈنگ کی وجہ سے ہسپتالوں میں مریضوں کے حالت خراب،شانگلہ کے منتخب نمائندے کی خاموش تما شائی بنے بھیٹے ہیں۔ عوامی حلقوں کا شدید رد عمل ،ناروا لوڈ شیڈنگ اوراوور بلنگ کو فوری طور ختم کرنے کا مطا لبہ۔ تفصیلات کے مطابق شانگلہ میں غیر اعلانیہ لوڈ زشیڈنگ اوراوور بلنگ نے عوام کا جینا حرام کر دیا ، شانگلہ میں غیر اعلانیہ لوڈ شیڈنگ جاری۔

(جاری ہے)

کئی گھنٹے تک لوڈ شیڈنگ کرائی جاتی ہے ،جس کی وجہ سے کاروباری زندگی ٹھپ ہوکر رہ گئی ہے ، دوسری جانب سٹاف کی کمی کی وجہ سے مسلسل اووربلنگ کا سلسلہ بھی جاری ہے،غریب عوام بل جمع کرنے سے قاصرشانگلہ میں کوئی انڈسٹری یا کوئی فیکٹری موجود نہیں تاہم غیر اعلانیہ لوڈ شیڈنگ یہاں کے عوام کے ساتھ سراسر زیادتی اور منتخب نمائندوں کی نااہلی کے مترادف ہے،دوسری جانب شانگلہ میں مسلسل لوڈ شیڈنگ سے ہسپتالوں میں مریض کو بھی سخت مشکلات کا سامنا کرنا پڑ رہا ہے، شانگلہ کے عوامی حلقوں نے وفاقی وزیر پانی و بجلی، صوبہ میں وفاقی محکموں کے سربراہ انجینئر امیر مقام اور پیسکو خیبر پختونخوا کے اعلیٰ حکام سے مطالبہ کیا ہے کہ شانگلہ میں جاری ناروا لوڈ شیڈنگ ،اووربلنگ کا سلسلہ ختم کرنے میں اپنا کردار ادا کریں،شا نگلہ میں محکمہ واپڈا میں سٹاف کی کمی کو پورا کرنے کیلئے ٹھوس اقدامات اٹھائیں