گلگت بلتستان کو صوبہ بنانے کی بجائے آزاد کشمیر اور گلگت بلتستان کی مشترکہ اسمبلی بنائی جائے،چوہدری لطیف اکبر
کشمیر کی قیمت پر سی پیک ہر گز قابل قبول نہیں، پیپلزپارٹی یہ کسی صورت قبول نہیں کرے گی، چوہدری عبدالمجید
پیر 27 مارچ 2017 22:12
(جاری ہے)
ان خیالات کا اظہار انہوں نے اسلام آباد میں پریس کانفرنس کرتے ہوئے کیا۔ ان کا کہنا تھا کہ اگر گلگت بلتستان کو قومی اسمبلی کو سینیٹ میں نمائندگی دی جاتی ہے تو پھر بھارت اور پاکستان کے درمیان کوئی فرق نہیں رہتا منقسم کشمیر کے ایک خطے کے عوام کی رائے کو بنیاد بنا کر اگر فیصلے کرتے ہیں تو شیخ عبداللہ نے ہندوستان کے ساتھ رہنے کا جو فیصلہ کیا تھا اسے بھی ماننا مجبوری ہوگی ۔
ریاست جموں و کشمیر اقوام متحدہ کی قراردادوں کی مطابق ایک وحدت ہے اس میں گلگت بلتستان‘ لداخ اور تبت کے علاقے شامل ہیں اگر اس وحدت کو ختم کرنے کی کوشش کی گئی تو پیپلزپارٹی سخت مزاحمت کرے گی۔ چوہدری عبدالمجید کا کہنا تھا کہ نواز شریف کاروباری آدمی ہے اور کاروباری آدمی کا کوئی ملک نہیں ہوتا۔ اس کا جہاں کاروبار ہوتا ہے وہ وہیں کے مفادات کو دیکھتا ہے مسلم لیگ ن اس وقت تقسیم کشمیر کی طرف جارہی ہے کیونکہ ان کا ہندوستان کے ساتھ کاروبار ہے۔ چوہدری لطیف اکبر کا کہنا تھا سی پیک کیلئے گلگت بلتستان کو صوبہ بنانے کی کوئی ضرورت نہیں سی پیک کیلئے 1963 ء میں پاکستان اور چین کے درمیان ہونے والا معاہدہ واضح راستہ دکھاتا ہے۔ اگر چائنہ جی بی میں سرمایہ کاری کیلئے صوبے کا مطالبہ کرتا تو شاہراہ ریشم نہ بناتا اور نہ ہی آزاد کشمیر میں توانائی کے اتنے بڑے منصوبوں پر کام کرتا۔ انہوں نے مزید کہا کہ مقبوضہ کشمیر میں بھارت مظالم کی شدید مزاحمت کرتے ہیں۔ ان کا کہنا تھا کہ وہاں لوگ مرتے ہین اور یہاں وزارت داخلہ ایک بیان جاری کردیتی ہے یہ قابل قبول نہیں ہوگا۔ مسئلہ کشمیر کے حوالے سے عملی اقدامات اٹھانے کی ضرورت ہے انہوں نے کہا کہ ملک میں دہشت گردی کے خلاف جاری آپریشن کی بھرپور حمایت کرتے ہیں دہشت گردی کی جنگ میں پاک فوج نے جو کامیابیاں حاصل کی ہیں ان کو نظر انداز نہیں کیا جاسکتا۔ چوہدری لطیف اکبر نے پیپلزپارٹی کی مرکزی قیادت کا شکریہ ادا کرتے ہوئے کہا کہ ہم عوام کو پارٹی کی اعلیٰ قیادت کی امنگوں پر پورا اترنے کی کوشش کرین گے اور اپنی تمام صلاحیتوں کو استعمال کرتے ہوئے عوام کی خدمت کریں گے۔ اس موقع پر پاکستان پیپلزپارٹی آزاد کشمیر کے جنرل سیکرٹری راجہ فیصل راٹھور نے کہا کہ آزاد کشمیر اور گلگت بلتستان کے گزشتہ الیکشن میں پیپلزپارٹی کو ہرانا ایک سازش تھی جو کہ اب بے نقاب ہوچکی ہے مسلم لیگ ن جی بی کو صوبہ بنانے کیلئے پیپلزپارٹی کے خلاف سازش تھی۔ جبکہ پیپلزپارٹی نے اپنے پانچ سالہ دور حکومت میں جو ترقیاتی کام کروائے اس کی مثال ماضی میں نہیں ملتی۔ اس موقع پر سیکرٹری اطلاعات جاوید ایوب‘ ڈپٹی سیکرٹری اطلاعات شاہین کوثر ڈار‘ چیئرمین پی وائی او سردار ضیاء قمر نے بھی مرکزی قیادت کا شکریہ ادا کیا اور پارٹی کیلئے اپنا کردار ادا کرنے کی یقین دہانی کروائی۔ (عابد شاہ)متعلقہ عنوان :
مزید قومی خبریں
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.