موسم گرما میں شہروں میں 3 اور دیہاتوں میں 4 گھنٹے تک لوڈشیڈنگ ہو گی‘ عابد شیر علی
رمضان المبارک میں لوڈشیڈنگ کا دورانیہ بہت کم ہو گا، آئندہ میں ملک سے لوڈ شیڈنگ کا مکمل خاتمہ کر دیا جائے گا ،خیبر پختونخواہ میں اس وقت 375 فیڈرز پر کوئی لوڈشیڈنگ نہیں ہورہی جہاں ہو رہی ہے وہاں بجلی چوری کی جا رہی ہے،سندھ کے بعض علاقے بجلی کا بل دینے کے لئے تیار نہیں ،گردشی قرضہ 320 ارب ہے ،اسکی بنیادی وجہ بلوچستان کے ذمہ146ارب ،آزاد کشمیر 2 6 ارب اور فاٹاکے ذمہ42 ارب روپے کے واجبات ہیں،وزیر مملکت پانی وبجلی کی میڈیا کو بریفنگ
منگل 28 مارچ 2017 22:51
(جاری ہے)
انہوں نے بتایا کہ مٹیاری سے لاہور ٹرانسمیشن لائن کا سنگ بنیاد وزیر اعظم اگلے ماہ رکھیں گے جس پر 150 ارب روپے لاگت آئے گی، یہ ٹرانسمیشن لائن ڈیڑھ سے دو سال میں مکمل ہو جائے گی۔
وزیر مملکت نے کہا کہ جنکوز میں 8 ارب کا فرنس آئل سالانہ چوری ہوتا رہا جہاں نہ صرف چوری کا خاتمہ کیا گیا بلکہ اب وہاں سی5.7بلین منافع بھی کمایا جا رہا ہے، گزشتہ سال زیادہ سے زیادہ بجلی کی پیداوار13800 میگا واٹ رہی جبکہ آج اس سے زیادہ ہے۔انہوں نے بتایا کہ نندی پور پراجیکٹ سابق حکومت کی نااہلی سے 23 سے بڑھ کر 57 ارب روپے کی لاگت تک پہنچا۔عابد شیر علی نے بتایا کی 2013 تک 500 کے وی کے 13 گرڈ تھے جبکہ ہم نے مزید 5 بنائے اور 2ہزار کلومیٹر لمبی نئی ٹرانسمیشن لائن بچھائی‘ 13 نئے 220 کے وی گرڈ اسٹیشن بنائے اور 1600 کلومیٹر لائنز بچھائی‘ 132 کے وی کی 191 کلومیٹر لائنیں بچھائی۔انہوں نے کہاکہ موجودہ حکومت نے بلوچستان کے ہر گھر میں بجلی پہنچا دی اور ڈیمانڈ اور سپلائی پوری بھی کر رہے ہیں،گردشی قرضہ 320 ارب ہے جسکی بنیادی وجہ بلوچستان کے ذمہ146ارب ،آزاد کشمیر کے ذمہ2 6 ارب اور فاٹاکے ذمہ42 ارب روپے کے واجبات ہیں ۔انہوں نے کہا کہ ہمارے دور میں عدم ادائیگی کی وجہ سے کوئی پلانٹ بند نہیں ہوا،نیپرا آئی پی پیز کی پیداواری صلاحیت کا ٹیسٹ کرائے، نیپرا اپنی ذمہ داریاں پوری کرے۔ انہوں نے کہا کہ ڈیمز خالی ہیں جس کے باعث فرنس آئل گیس اور دیگر ذرائع سے بجلی بنا رہے ہیں اورہوا سے بجلی، بائیو ناس ،گیس سے بجلی بنانے کے منصوبے جاری ہیں۔ وزیر مملکت برائے نے بتایا کہ دوسرے فیز میں مٹیاری سے فیصل آباد ٹرانسمیشن لائن بچھائی جائے گی، جامشورو سے رحیم یار خان ٹرانسمیشن لائن کو جون تک مکمل کرنے کی کوشش کر رہے ہیں۔انہوں نے کہا کہ اس وقت صنعتوں میں کوئی لوڈ شیڈنگ نہیں ہو رہی جبکہ عوام کو سستی بجلی دینا شروع کر دی اور کوئلے سے اگلے ماہ بجلی ملنا شروع ہو جائے گی۔انہوں نے کہا بتایا کہ خیبر پختونخواہ میں اس وقت 375 فیڈرز پر کوئی لوڈشیڈنگ نہیں ہورہی اور جن علاقوں میں ہو رہی ہے وہاں بجلی چوری کی جا رہی ہے،سندھ کے بعض علاقے بجلی کا بل دینے کے لئے تیار نہیں جبکہ سیہون شریف دربار سے دیہاتوں کو چوری کی بجلی دی جا رہی ہے۔انہوں نے کہا کہ لائن لاسز والے علاقوں کے نقصانات کو باقی علاقوں میں تقسیم کرکے بجلی قیمت نکالی جاتی ہے اور صارفین سے وصول کیا جاتا ہے، سبسڈی کا میکنزم بھی ایسا ہی ہے،سمندر میں پانی ضائع کر کے 60 ارب ڈالر کا سالانہ نقصان ہوتا رہا، اس وقت منڈا،داسو اوردیا مر بھاشا ڈیم پر کام شروع ہو رہا ہے، ڈیم بنانے کے بعد خانہ جنگی سے بچ جائیں گے، بجلی کا اضافی لوڈ ڈالنے کے بعد دو ڈسکوز کے علاوہ تمام ڈسکوز 100 فی صد لوڈ نہیں اٹھا سکے‘ نظام میں کمی کو دور کرنے کی کوشش کی گئی۔ گرمیوں میں شہروں میں 3 اور دیہاتوں میں 4 گھنٹے لوڈشیڈنگ ہو گی۔ایک سوال کے جواب میں وزیر مملکت نے بتایا کہ رمضان المبارک کے دوران گزشتہ سال کی نسبت کم لوڈشیڈنگ ہو گی۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.