ملک کے بیشتر علاقوں میں موسم خشک ، سندھ اور جنوبی پنجاب کے بیشتر علاقوں میں موسم گرم رہیگا ،محکمہ موسمیات

اسلام آباد (اُردو پوائنٹ اخبارتازہ ترین - آئی این پی۔ 30 مارچ2017ء) محکمہ موسمیات نے کہا ہے کہ آئندہ 24گھنٹوں میں ملک کے بیشتر علاقوں میں موسم خشک جبکہ سندھ اور جنوبی پنجاب کے بیشتر علاقوں میں موسم گرم رہیگا تاہم مالاکنڈ،ہزارہ،پشاور، بنوں،کوہاٹ،ڈی آئی خان، راولپنڈی، بہاولپور،ڈی جی خان ڈویژن،اسلام آباد، فاٹا،کشمیر اور گلگت بلتستان میں چند مقامات پرتیز ہواوٰں اور گرج چمک کیساتھ بارش کا امکان ہے۔

(جاری ہے)

آئندہ 48گھنٹوں میں ملک کے بیشتر علاقوں میں موسم خشک جبکہ صوبہ سندھ اور جنوبی پنجاب کے بیشتر علاقوں میں موسم گرم رہیگا تاہم مالاکنڈ، ہزارہ ڈویژن،کشمیر اور گلگت بلتستان میں کہیں کہیں جبکہ پشاور، مردان،ڈی آئی خان،سرگودھا، ملتان،بہاولپور ڈویژن اور فاٹا میں چند مقامات پرتیز ہواوٰں گرج چمک کیساتھ بارش کا امکان ہے۔ گزشتہ 24 گھنٹوں میں ملک کے بیشتر علاقوں میں موسم خشک رہا تاہمژوب ڈویژن میں چند مقامات پر تیز ہواؤں اور گرج چمک کیساتھ ہلکی بارش ہوئی۔سب سے زیادہ بارش ژوب میں 03 ملی میٹر ریکارڈ کی گئی۔گزشتہ روز ریکارڈ کیے گئے درجہ حرارت روہڑی،شہید بینظیر آباد 43، لاڑکانہ، جیکب آباد، تربت،سکھر،مٹھی، چھور، میرپورخاص 42 ڈگری سینٹی گریڈ ریکارڈ کیا گیا۔