ملک میں بجلی بحران ملکی معیشت پر بمباری ہے ، چوہدری محمد سرور

لوڈشیڈ نگ کا خاتمہ ایک خواب بن چکا ہے 'ملک میں ڈنگ ٹپائو نے عملی اقدامات کی ضرورت ہے، سابق گورنر پنجاب تحر یک انصاف عمران خان کی قیادت میں اقتدار میں آکر ملک کو تمام بحرانوں سے نجات دلا کر ترقی کی راہ پر گامزن کر یگی، پارٹی وفود سے گفتگو

منگل 18 اپریل 2017 23:30

ملک میں بجلی بحران ملکی معیشت پر بمباری ہے ، چوہدری محمد سرور

لاہور(اُردو پوائنٹ اخبارتازہ ترین - آن لائن۔ 18 اپریل2017ء) سابق گور نر پنجاب چوہدری محمدسرورنے ملک میں بجلی بحران کو ملکی معیشت پر''بمباری ''قرار دیتے ہوئے کہا ہے کہ لوڈشیڈ نگ کا خاتمہ ایک خواب بن چکا ہے 'ملک میں ڈنگ ٹپائو نے عملی اقدامات کی ضرورت ہے جو کہیں نظر نہیں آتے 'بجلی لوڈشیڈ نگ کی وجہ سے ہزاروں فیکٹریاں بند ہونے سے غر یب کے پاس خودکشی کے سو اکوئی آپشن نہیں 'حکمرانوں کی ذمہ داری ہے وہ وعدے کے مطابق ملک کو لوڈشیڈ نگ کے عذاب سے کل نہیں آج ہی نجات دلائے 'تحر یک انصاف عمران خان کی قیادت میں اقتدار میں آکر ملک کو تمام بحرانوں سے نجات دلا کر ترقی کی راہ پر گامزن کر یگی۔

منگل کے روز اپنے دفتر میں پارٹی وفود سے گفتگو کرتے ہوئے سابق گور نر پنجاب چوہدری محمدسرورنے کہا کہ لاہور سمیت پورے پنجاب میں بجلی کی بدترین لوڈشیڈ نگ کے بحران میں کمی ہونے کی بجائے مسلسل اضافہ ہو رہا ہے جسکی وجہ سے ملک معاشی طور پر بھی مزید تباہی کا شکار ہو رہا ہے۔

(جاری ہے)

انہوں نے کہا کہ لوڈشیڈ نگ کا مسئلہ باتوں سے نہیں صرف عملی اقدامات سے حل ہوسکتا ہے مگر موجودہ حالات میں ملک میں لوڈشیڈنگ کے خاتمے کے آثار دور دور تک نظر نہیں آرہے بلکہ بدقسمتی سے لوڈشیڈ نگ دیہاتوں کے ساتھ شہروں میں بھی اپنی آخری حد و ں کو چھو رہی ہے۔انہوں نے کہاکہ تحر یک انصاف نے قوم سے جو بھی وعدے کیے ہیں اقتدار میں آکر ان پر مکمل عملد درآمد کر یں اور ملک کو بحرانوں سے نجات دلائیں گے۔