صومالیہ میں 14 لاکھ بچے خوراک کی کمی کا شکار ہیں، یونیسیف

بدھ 3 مئی 2017 10:41

اقوام متحدہ ۔ (اُردو پوائنٹ اخبارتازہ ترین - اے پی پی۔ 03 مئی2017ء) اقوام متحدہ کے بچوں کی بہبود کے ادارے یونیسیف نے کہا ہے کہ خشک سالی کے شکار افریقی ملک صومالیہ میں قریب 14 لاکھ بچے کم خوراکی کا شکار ہیں۔

(جاری ہے)

جرمن ذرائع ابلاغ کے مطابق یونیسیف کے اندازوں میں کہا گیا ہے کہ اس تعداد میں رواں برس 50 فیصد اضافے کا خدشہ ہے۔ خشک سالی کے باعث قرن افریقہ میں 6 ملین افراد خوراک کی کمی کا شکار ہیں۔ یہ تعداد کٴْل آبادی کا نصف بنتی ہے۔ 2011ء میں اسی علاقے میں آنے والے قحط نے ڈھائی لاکھ جانیں لے لی تھیں۔ یونیسف کے مطابق صومالیہ میں کم خوراکی کے شکار بچوں میں سے 2 لاکھ 75 ہزاربچے ایسے ہیں جنہیں جان لیوا حد تک کم خوراکی کا سامنا ہے۔

Facebook Twitter Google + Share on Whatsapp

صومالیہ میں 14 لاکھ بچے خوراک کی کمی کا شکار ہیں، یونیسیف

متعلقہ عنوان :

مزید بین الاقوامی خبریں