یمن میں ہم آہنگی کے لیے سعودی اماراتی یمنی کمیٹی تشکیل

سہ فریقی سپریم کمیٹی کا پہلا اجلاس جدہ میں یمن کے نائب صدر علی محسن الاحمر کے زیر صدارت منعقد ہوا

جمعہ 5 مئی 2017 12:59

یمن میں ہم آہنگی کے لیے سعودی اماراتی یمنی کمیٹی تشکیل

صنعائ(اُردو پوائنٹ اخبارتازہ ترین - این این آئی۔ 05 مئی2017ء) یمن کے ایوان صدارت نے بتایا ہے کہ سعودی عرب ، متحدہ عرب امارات اور یمن کے درمیان ایک مشترکہ سپریم کمیٹی تشکیل دیے جانے پر اتفاق رائے ہو گیا۔

(جاری ہے)

کمیٹی کا مقصد کوآرڈی نیشن اور انضمام کی سطح کو بلند کرنا ہے اور یہ یمن مین آئین اور قانون کی بالادستی کے واسطے مشترکہ مفادات اور اہداف کو پورا کرنے میں حائل امور کو زیرِ بحث لائے گی.. تا کہ ملک میں بغاوت کے خاتمے ، آئینی حکومت کی واپسی ، انسداد دہشت گردی ، امن و استحکام اور معمول کی زندگی کو یقینی بنایا جا سکے۔

میڈیارپورٹس کے مطابق سہ فریقی سپریم کمیٹی کا پہلا اجلاس جدہ میں یمن کے نائب صدر علی محسن الاحمر کے زیر صدارت منعقد ہوا۔کمیٹی نے اپنے کام سے متعلقہ امور اور تمام صورت حال کے علاوہ مذکورہ تینوں ممالک میں سیاسی قیادت کے درمیان کچھ عرصہ قبل ہونے والے رابطوں کا بھی جائزہ لیا گیا۔کمیٹی نے اپنے ایجنڈے میں شامل موضوعات پر بات چیت کی جن میں یمن میں باغیوں کے زیر انتظام بقیہ ماندہ اراضی کو آزاد کرانے کے لیے واسطے سکیورٹی اور فوجی آپریشن شامل ہیں۔