مولانا اعظم طارق کے قتل میں ملوث مرکزی ملزم گرفتار

ملزم سبطین کاظمی کو بے نظیر بھٹو انٹرنیشنل ایئرپورٹ سے بیرون ملک فرار ہوتے ہوئے گرفتار کیا گیا

جمعرات 11 مئی 2017 11:44

مولانا اعظم طارق کے قتل میں ملوث مرکزی ملزم گرفتار

اسلام آباد(اُردو پوائنٹ اخبارتازہ ترین - آئی این پی۔ 11 مئی2017ء) مولانا اعظم طارق کے قتل میں ملوث مرکزی ملزم سبطین کاظمی کو بیرون ملک فرار ہوتے ہوئے گرفتار کر لیا گیا۔ نجی ٹی وی کے مطابق مولانا اعظم طارق کے قتل کے الزام میں ملوث مرکزی ملزم سبطین کاظمی کو بے نظیر بھٹو انٹرنیشنل ایئرپورٹ سے بیرون ملک فرار ہوتے ہوئے گرفتار کر لیا گیا۔

(جاری ہے)

سبطین کاظمی اسلام آباد سے مانچسٹر فرار ہونے کی کوشش کر رہا تھا کہ ایف آئی اے نے اس کا نام ای سی ایل میں شامل ہونے پر ملزم کو گرفتار کر لیا گیا۔

واضح رہے کہ مولانا اعظم طارق کو 14 برس قبل اکتوبر 2003 میں اسلام آباد میں داخل ہوتے ہوئے فائرنگ کر کے قتل کر دیا گیا تھا اور اس کیس میں متعدد افراد کو گرفتار بھی کیا جا چکا ہے لیکن مرکزی ملزم سبطین کاظمی اس وقت سے روپوش تھا اور پولیس نے بھی اسے اشتہاری قرار دیدیا تھا۔