ایران میں زلزلہ سے 2 افراد ہلاک ، سینکڑوں زخمی

اتوار 14 مئی 2017 13:00

تہران ۔ (اُردو پوائنٹ اخبارتازہ ترین - اے پی پی۔ 14 مئی2017ء) ایران میں 5.7 درجہ کی شدت کے زلزلہ سے 2 افراد ہلاک جبکہ سینکڑوں زخمی ہو گئے ۔ اتوار کو ایرانی سر کاری میڈیا نے محکمہ زلزلہ پیمائی کے حوالہ سے بتایا کہ زلزلہ ترکمانستان کی سرحد سے ملحقہ علاقہ آیا جہاں بڑے پیمانے پر مالی نقصانات بھی ہو ئے ہیں ۔

(جاری ہے)

زلزلہ شمالی صوبہ خوسان کے شہر بوجنورد میں عالمی معیاری وقت کے مطابق 6 بجے آیا جہاں 54 سالہ خاتون اور جواں سالہ لڑکی ہلاک اور370 افراد زخمی ہو ئے ہیں ۔ اس علاقہ کے 40 فی صد مکانات کو نقصان پہنچا۔ امریکی ارضیاتی سروے نے زلزلہ کی شدت 5.8 بتائی ہے اور کہا ہے کہ زلزلہ کا مرکز ترکما نستان کی سرحد سے 50 کلومیٹرز دورتھا۔

Facebook Twitter Google + Share on Whatsapp

ایران میں زلزلہ سے 2 افراد ہلاک ، سینکڑوں زخمی

متعلقہ عنوان :

مزید بین الاقوامی خبریں