سیاسی سرگرمیوں سے کسی نے کسی کو نہیں روکا، پی ایس پی کو ریڈ زون میں آنے کو منع کیا تھا لیکن وہ نہ مانے ، حکومت کو اپنی رٹ قائم کرنا ہوتی ہے،نثار کھوڑو

پیر 15 مئی 2017 21:18

سہون (اُردو پوائنٹ اخبارتازہ ترین - آن لائن۔ 15 مئی2017ء) پیپلزپارٹی کے مرکزی رہنما نثارکھوڑو نے کہا ہے کہ سیاسی سرگرمیوں سے کسی نے کسی کو نہیں روکا، پی ایس پی کو ریڈ زون میں آنے کو منع کیا تھا لیکن وہ نہ مانے ، حکومت کو اپنی رٹ قائم کرنا ہوتی ہے۔

(جاری ہے)

نثارکھوڑو نے سہون شریف میں حضرت لعل شہباز قلندر کے 765ویں عرس کے موقع پر مزار پر حاضری دی اور پھولوں کی چادر چڑھائی۔

اس موقع پر میڈیا سے گفتگو میں ان کا کہنا تھا کہ پی ایس پی نے ریڈ زون میں آکر وزیراعلیٰ ہائوس پردھرنا دینے کی ضد کی تھی۔نثار کھوڑو نے کہا کہ مصطفیٰ کمال کو بتادیاگیاتھا کہ یہ مناسب بات نہیں، ریڈ زون کی طرف نہ آئیں،جلسہ کسی پارک یا میدان میں کرلیں، جب ریڈ زون میں آنے کی ضد جاری رکھی گئی تو حکومت نے اپنی رٹ قائم کی۔#