چین کی طرف سے ون بیلٹ ون روڈ کانفرنس کا خیر مقدم کرتے ہیں ، سندھ حکومت نے لاٹھی چارج کرکے مصطفی کمال کو خود ہیرو بنایا ، گورنر سندھ نے سیاسی اختلافات اپنی جگہ ملنے کو دل کرتا ہے تو گھر چلا جاتا ہوں

اسلام آباد (اُردو پوائنٹ اخبارتازہ ترین - آئی این پی۔ 15 مئی2017ء) پاکستان تحریک انصاف کے مرکزی رہنماء و رکن قومی اسمبلی اسد عمر نے کہا ہے کہ چین کی طرف سے ون بیلٹ ون روڈ کانفرنس کا خیر مقدم کرتے ہیں ، سندھ حکومت نے لاٹھی چارج کرکے مصطفی کمال کو خود ہیرو بنایا ، گورنر سندھ نے سیاسی اختلافات اپنی جگہ ملنے کو دل کرتا ہے تو گھر چلا جاتا ہوں ۔

وہ پیر کو پارلیمنٹ ہائوس کے باہر میڈیا سے گفتگو کررہے تھے ۔ انہوں نے کہا کہ پاکستان کو کلبھوشن یادیو کے معاملے پر عالمی عدالت انصاف کا دائرہ اختیار چیلنج کرنا چاہیے ۔ پاکستان کے پاس کبلھوشن یادیو کے خلاف تمام ثبوت موجود ہیں ۔ حکومت کمزوری کا مظاہرہ نہ کرے تو کوئی وجہ نہیں کہ پاکستان کلبھوشن کا کیس ہار جائے ۔ اسد عمر نے کہا کہ پی ٹی آئی نے ڈان لیکس کے معاملے پر قومی اسمبلی میں تحریک التواء جمع کروائی ۔

(جاری ہے)

دیکھتے ہیں جمہوریت کا درس دینے والے خود جمہوریت پر کتنا عمل کرتے ہیں ۔ سندھ حکومت نے صوبے میں خود کوئی کام کرنا نہیں اگر کوئی حق مانگتا ہے تو اس پر لاٹھی چارج شروع کر دیا جاتا ہے ۔ سندھ حکومت نے خود مصطفی کمال کو ہیرو بنایا ۔ انہوں نے کہا کہ اب بھارت سی پیک دشمن ہے اور اسے تباہ کرنے کی سازش کر رہا ہے ۔ چین کی طرف سے ون بیلٹ ون روڈ کانفرنس کا خیر مقدم کرتے ہیں ۔ ایک سوال کے جواب میں انہوں نے کہا کہ بھائی زبیرعمر سے سیاسی اختلافات اپنی جگہ جب ان سے ملنے کو دل کرتا ہے تو گھر چلا جاتا ہوں ۔…(م د +ار)