تک پن بجلی کا تناسب 36 فیصد تک بڑھ جائے گا،فرنس آئل سے بجلی کا پیداواری تناسب 12فیصد تک کم ہو جانے سے قیمتی زرمبادلہ کی بچت ہوگی ، وزارت پانی و بجلی

بدھ 17 مئی 2017 19:16

اسلام آباد (اُردو پوائنٹ اخبارتازہ ترین - آن لائن۔ 17 مئی2017ء) 2022ئ تک بجلی کی مجموعی قومی پیداوار میں آبی و سائل سے پیدا کی جانے والی بجلی کا تناسب 36 فیصد تک بڑھ جائے گا۔ وزارت پانی و بجلی کی رپورٹ کے مطابق 2022ئ تک فرنس آئل سے بجلی کا پیداواری تناسب 12فیصد تک کم ہو جائے گا جس سے درآمد بل میں کمی سے قیمتی زرمبادلہ کی بچت ہوگی۔

(جاری ہے)

رپورٹ کے مطابق آئندہ چار سال کے بعد ایل این جی سے بجلی پیدا کرنے کی صلاحیت 10 فیصد ‘ نیوکلیئر انرجی سے 9 ‘ متبادل ذرائع سے 9فیصد ‘ مقامی قدرتی گیس سے 8 فیصد ‘ مقامی کوئلے سے 8 اور درآمدی کوئلے کی مدد سے 8 فیصد بجلی پیدا کی جاسکے گی۔

رپورٹ کے مطابق اس وقت آبی وسائل سے 34 فیصد بجلی پیدا کی جارہی ہے جبکہ فرنس آئل سے 29 فیصد‘ مقامی قدرتی گیس سے 19 فیصد ‘ ایل این جی کی مدد سے 8 فیصد اور متبادل ذرائع بشمول نیو کلیئر انرجی کی مدد سے مجموعی طور پر 5فیصد بجلی پیدا کی جارہی ہے۔