آئندہ انتخابات میں ہم پولنگ اسٹیشنز سے نتائج لیکر اٹھیں گے ،ْ پورا پاکستان جیت کر دکھائیں گے ،ْآصف علی زر داری

مجھے پرانا خیبر پختون خوا اجڑا ہوا نظر آرہاہے ،ْ پیپلز پارٹی دوبارہ اقتدار میں آئیگی سب کے ساتھ انصاف ہوگا ،ْ وزیر اعظم فاٹا والوں کو نیا لالی پاپ دے رہے ہیں ،ْ ہم اس بل کی مخالفت کریں گے ،ْہمیں پاکستان کی خارجہ پالیسی پر تشویش ہے ،ْپی ایس پی کو سیاسی جماعت نہیں مانتا ،ْجلسہ کرنا ہے تو کسی میدان میں جائیں ،ْ ریڈ زون جانے کی اجازت نہیں دی جاسکتی ،ْسانحہ اے پی ایس کی تحقیقات منظر عام پر لائی جائیں ،ْمیڈیا سے گفتگو

بدھ 17 مئی 2017 23:52

آئندہ انتخابات میں ہم پولنگ اسٹیشنز سے نتائج لیکر اٹھیں گے ،ْ پورا ..
پشاور(اُردو پوائنٹ اخبارتازہ ترین - این این آئی۔ 17 مئی2017ء) پاکستان پیپلز پارٹی کے شریک چیئرمین آصف زرداری نے کہا ہے کہ آئندہ انتخابات میں ہم پولنگ اسٹیشنز سے نتائج لیکر اٹھیں گے اور پورا پاکستان جیت کر دکھائیں گے ،ْمجھے پرانا خیبر پختون خوا اجڑا ہوا نظر آرہاہے ،ْ پیپلز پارٹی دوبارہ اقتدار میں آئیگی سب کے ساتھ انصاف ہوگا ،ْ وزیر اعظم فاٹا والوں کو نیا لالی پاپ دے رہے ہیں ،ْ ہم اس بل کی مخالفت کریں گے ،ْہمیں پاکستان کی خارجہ پالیسی پر تشویش ہے ،ْپی ایس پی کو سیاسی جماعت نہیں مانتا ،ْجلسہ کرنا ہے تو کسی میدان میں جائیں ،ْ ریڈ زون جانے کی اجازت نہیں دی جاسکتی ،ْسانحہ اے پی ایس کی تحقیقات منظر عام پر لائی جائیں۔

بدھ کو میڈیا سے بات چیت کرتے ہوئے سابق صدر آصف زرداری نے کہا کہ مجھے خیبر پختونخوا اور پختونوں سے پیار ہے کیونکہ اس دھرتی نے پاکستان کو بنانے، اس کے استحکام اور اس جنگ میں بڑی قربانی دی ہے جو ہم پر تھوپی گئی ہے ،ْ انہوں نے اقوام متحدہ کی جنرل اسمبلی میں خطاب کے دوران کہا تھا کہ ہم یہ جنگ ہار رہے ہیں، گردن کاٹنے والا اور جس کی کٹ رہی ہے دونوں کلمہ پڑ ھ رہے ہیں، دونوں طرف سے اللہ اکبر کا نعرہ بلند ہوتا ہیاور اس میں نقصان مسلم دنیا کا ہے۔

(جاری ہے)

سابق صدر نے کہاکہ 2013 میں ہم نے انتخابی مہم ہی نہیں چلائی، میں نے پہلے دن ہی کہا تھاکہ یہ انتخابات آر او الیکشن ہیں۔ اس بار وہ خود ، بلاول اور آصفہ سمیت سب ہی میدان میں ہوں گے۔ الیکشن کے ٹکٹ خود تقسیم کریں گے، اب ہم این آر او الیکشن نہیں ہونے دیں گے، الیکشن کے نتائج لے کر اٹھیں گے اور پورا پاکستان جیت کر دکھائیں گے۔آصف زرداری نے کہا کہ ہمیں پرویز مشرف سے جو پاکستان ملا اس میں ہمیں گندم اور چینی تک درآمد کرنی پڑی لیکن ہم نے ایک برس میں ہی ایسے اقدامات کئے جس سے ہمارے پاس گندم کے ذخائر جمع ہوگئے۔

ایک طرف کوئی کہتا ہے کہ میں شیر ہوں، شیر تو جنگل کا درندہ ہے جو ہر کمزور جانور کو کھاتا ہے، شیر کہتا ہے کہ میں کبوتر کھاجاؤں گا۔ حکومت کو 4 سال ہوگئے لیکن انہوں نے جو بڑے بڑے وعدے کئے وہ اب تک پورے نہیں ہوئے، پیپلز پارٹی کے دور اقتدار میں خام تیل فی بیرل 140 ڈالر تک تھا تو ہم بجلی 7 روپے فی یونٹ دے رہے تھے لیکن اب 40 ڈالر فی بیرل ہے اور حکومت بجلی 14 روپے فی یونٹ بجلی دے رہی ہے، اگر بجلی آبھی گئی تو اتنی مہنگی بجلی کون خریدے گا۔

پیپلز پارٹی کے شریک چیئرمین نے کہاکہ میں نے خیبر پختونخوا میں پارٹی کارکنوں کے علاوہ شہدا اے پی ایس کے لواحقین سمیت مختلف شعبوں سے تعلق رکھنے والے افراد سے ملاقات کی تاہم کسی نے بھی مجھے نہیں کہا کہ نئے پاکستان میں ہم خوش ہیں،انہیں تو یہاں پرانا پاکستان بھی اجڑا ہوا نظر آرہا ہے ،ْپیپلز پارٹی دوبارہ اقتدار میں آئیگی سب کے ساتھ انصاف ہوگا، خیبرپختونخوا میں برسراقتدار جماعت خود کو سونامی کہتی ہے، اس سونامی نے خیبر پختونخوا میں تباہی پھیلائی ہوئی ہے، ہم امید کرتے ہیں کہ آئندہ یہ سونامی نہیں ہوگی بلکہ خیبر پختونخوا میں کوئی الگ جماعت ہوگی۔

انہوں نے کہا کہ کشمش کاایسا دانہ نہیں جس میں تنکا نہ ہو، اب تو جج نے کسی کو گاڈ فادر کہہ دیا ہے اب میں کیا کہوں۔ نواز شریف کی حکومت ایک نیا فاٹا بل متعارف کرا رہی ہے، وزیر اعظم فاٹا والوں کو نیا لالی پاپ دے رہے ہیں لیکن ہم اس بل کی مخالفت کریں گے۔پڑوسی ملکوں سے تعلقات پر آصف زرداری نے کہا کہ ہم سمجھتے ہیں کہ نواز شریف سے ملک سنبھل نہیں پارہا، ہمیں پاکستان کی خارجہ پالیسی پر تشویش ہے، پیپلز پارٹی کے دور حکومت میں بھارت سے لائن آف کنٹرول پر تو کشیدگی رہتی تھی لیکن ہم نے دیگر پڑوسی ملکوں سے تعلقات کو کبھی اس قدر کشیدہ نہیں ہونے دیا جتنے آج ہیں ،ْ ہم سمجھتے ہیں کہ دور کے دوستوں سے دوستی کے ساتھ ہی محلے والوں سے بھی مراسم رکھنے چاہئیں۔

کراچی میں پاک سرزمین پارٹی کی ریلی پر شیلنگ پر آصف زرداری نے کہا کہ میں پی ایس پی کو سیاسی جماعت نہیں مانتا ،ْانہیں جلسہ کرنا ہے تو کسی میدان میں جائیں لیکن ریڈ زون جانے کی اجازت نہیں دی جاسکتی۔انہوں نے کہا کہ پشاور میں سرکاری ملازمین سے ملاقاتیں ہوئیں، کسی نے نہیں کہا کہ وہ خوش ہیں۔ سابق صدر نے مطالبہ کیا کہ سانحہ اے پی ایس کی تحقیقات منظر عام پر لائی جائیں۔انہوں نے کہا کہ مجھے تو نہیں لگتا کہ خیبرپختونخوامیں کوئی نئی جماعت آئیگی ،ْسونامی سیتباہی ہوتی ہے، امید ہے خیبرپختونخوا میں اگلی دفعہ سونامی نہیں آئیگا۔آصف زرداری نے کہاکہ نیب ون سائیڈڈ اسٹوری ہے۔