صومالیہ کے دارلحکومت میں دھماکہ3سیکورٹی اہلکار ہلاک

بدھ 17 مئی 2017 23:31

موغا دیشو (اُردو پوائنٹ اخبارتازہ ترین - این این آئی۔ 17 مئی2017ء) صومالوی دارلحکومت کے مغرب میں ایک کار بم دھماکے میں بم ڈسپوزل سکوارڈ کے 3اہلکار ہلاک ہو گئے ہیں ۔غیر ملکی میڈیا کے مطابق واداجیر ضلع میں کار میں نصب بم اس وقت دھماکے سے پھٹ گیا جب سیکورٹی اہلکار اسے ناکارہ بنانے کی کوشش کر رہے تھے۔

(جاری ہے)

تاحال کسی بھی جانب سے اس دھماکے کی ذمہ داری قبول نہیں کی گئی تاہم القاعدہ سے منسلک صومالوی گروپ الشباب ملک میں ہونے والے تمام بم دھماکوں کی ذمہ داری قبول کرتا رہا ہے۔ الشباب نامی گروپ محمد عبد اللہ الہی کی جانب سے اس کے خلاف کارروائیوں کے اعلان کے بعد موغادیشو میں سرگرم ہے ، اس دوران مذکورہ گروپ نے ہوٹلز، آرمی کیمپس اور دیگر اہم سرکاری تنصیبات کو نشانہ بناچکا ہے۔