سالٹ رینج موٹروے پر مسافر کوچ میں آگ لگ گئی، ڈرائیور بری جھلس گیا،سات مسافر کھڑکیوں سے چھلانگیں لگاتے ہوئے زخمی ہو گئے

جمعرات 18 مئی 2017 18:09

چکوال ۔ (اُردو پوائنٹ اخبارتازہ ترین - اے پی پی۔ 18 مئی2017ء) سالٹ رینج موٹروے پر مسافر کوچ میں جمعرات کے روز آگ لگ گئی۔جس کے نتیجہ میں بس ڈرائیور بری طرح سے جھلس گیا۔سات مسافر کھڑکیوں سے چھلانگیں لگاتے ہوئے زخمی ہو گئے۔72نشستوں والی کوچ اسلام آباد سے جلال پور جٹاں جا رہی تھی۔

(جاری ہے)

سالٹ رینج کے موڑ پر کوچ کے بریک فیل ہو گئے۔جس کے نتیجہ میں کوچ کا ڈیزل ٹینک سڑک سے ٹکرا گیا۔جس کے نتیجہ میں کوچ کو آگ لگ گئی۔اس دوران کوچ آگے جانے والے ٹریلر سے بھی ٹکرا گئی۔مسافروں نے جلتی کوچ سے اپنے آپ کوچھلانگیں لگا کر بچایا۔ ایف ڈبلیو اواور ریسکیو 1122کی ٹیموں نے موقع پر پہنچ کر آگ بجھائی اور زخمیوں کو فوری طور پر ٹراما سنٹر کلرکہار منتقل کر دیا۔