پنجاب اسمبلی کا29واں اجلاس ، بھارتی جاسوس کلبھوشن یادیو کا معاملہ زیر بحث آیا،
پارلیمانی سیکرٹری نے محکمہ ہائر ایجوکیشن سے متعلق سوالات کے جوابات دئیے، اجلاس میں مقامی مجلس قائمہ برائے صنعت و تجارت ،مقامی حکومت ،کمیونٹی ڈویلپمنٹ اور سوشل ویلفیئر ، بیت المال کی رپورٹیں بھی ایوان میںپیش ،کورم پورا نہ ہونے کے باعث ایجنڈے پر موجود آرڈیننس راولپنڈی میڈیکل یونیورسٹی ،آرڈیننس فیصل آباد میڈیکل یونیورسٹی،آرڈیننس نشتر میڈیکل یونیورسٹی اورآرڈیننس ( ترمیم) پولیس آرڈر2017ء پیش نہ کئے جا سکے ،اجلاس پیر تک کیلئے ملتوی کر دیا گیا
جمعہ 19 مئی 2017 22:19
(جاری ہے)
افسوس کا مقام ہے کہ پاکستان کے اندر کچھ لوگ اپنی منفی سوچ اور حکومت سے اپنی نفرت ، بغض اور حسد کی آگ کو بجھانے کے لئے نا دانستہ اور نا دانی میں اس پراپیگنڈا کا حصہ بن رہے ہیں ۔
یہ ایوان ایسی تمام کوششوں کی پرزور الفاظ میں مذمت کرتا ہے اور اس بارے میں وفاقی حکومت کی کوششوں کو سراہتا ہے اور بھرپور اعتماد کا اظہار کرتا ہے ۔اس دوران کورم کی نشاندہی پر اسپیکر نے اجلاس پیر کی دوپہر دو بجے تک کیلئے ملتوی کر دیا ۔ قبل ازیں پارلیمانی سیکرٹری مہوش سلطانہ نے محکمہ ہائر ایجوکیشن سے متعلق سوالات کے جوابات دئیے ۔ اپوزیشن رکن ڈاکٹر وسیم اختر کے سوال پر پارلیمانی سیکرٹری نے کہا کہ یونیورسٹی کی فیسوں کے حوالے سے سنڈیکیٹ سے اس کی منظوری لی جاتی ہے ، اسپیکر نے کہا کہ یونیورسٹی فیسوں کے معاملے کا حل نکال کر دو ماہ میں ایوان میں رپورٹ پیش کی جائے۔ اسپیکر پنجاب اسمبلی نے احسن ریاض فتیانہ کا پی ایس ٹی کالج کمالیہ سے متعلق سوال سوموار تک کے لئے موخر کر دیا ۔ اسپیکر رانا محمد اقبال نے مختلف یونیورسٹیز کی طرف سے فیسوں کی ادائیگی میں تاخیر پر مختلف شرح سے جرمانے کے معاملے پر سوال کو بھی سوموار تک موخر کرتے ہوئے کہا کہ دوپہر ایک بجے متعلقہ وزیر ،سیکرٹری میر ے ساتھ بیٹھیں گے ۔اسپیکر رانا محمد اقبال نے اقلیتی رکن شہزاد منشی کے سوال کا جواب نہ آنے پر اس کی انکوائری کر کے ایوان کو آگاہ کرنے کی بھی ہدایت کی ۔ اجلاس میں مقامی مجلس قائمہ برائے صنعت و تجارت ،مقامی حکومت ،کمیونٹی ڈویلپمنٹ اور سوشل ویلفیئر ، بیت المال کی رپورٹیں بھی ایوان میںپیش کی گئیں۔ اجلاس میں حکمران جماعت کے رکن راجہ شوکت عزیز بھٹی نے کہا کہ اگر ایک بھارتی جاسوس اور دہشتگرد کے معاملے کو عالمی عدالت انصاف میں سنا جا سکتا ہے تو بھارت کی طرف سے کشمیر میں ڈھائے جانے والے مظالم کو کیوںعالمی عدالت انصاف میں نہیں لیجایا جا سکتا۔ انہوںنے کہا کہ اقوام متحدہ کی قراردادوں اور بھارتی مظالم کو عالمی عدالت انصاف میں لے جایا جائے ۔ کورم پورا نہ ہونے کے باعث ایجنڈے پر موجود آرڈیننس راولپنڈی میڈیکل یونیورسٹی ،آرڈیننس فیصل آباد میڈیکل یونیورسٹی، آرڈیننس نشتر میڈیکل یونیورسٹی اورآرڈیننس ( ترمیم) پولیس آرڈر2017ء پیش نہ کئے جا سکے ۔مزید
-
امریکہ نے بھارت کو3 ارب ڈالرکے ڈرونزکی فروخت روک دی
-
پاکستان کیخلاف تیسرے ٹی ٹونٹی سے قبل نیوزی لینڈ کو ایک اور جھٹکا لگ گیا
-
پاکستان ٹیم کے سابق ٹیم ڈائریکٹرمکی آرتھرکا بھی پی سی بی سے راہیں جدا کرنے پر غور،پی سی بی کو آگاہ کردیں گے
-
ڈپٹی کمشنر شیخوپورہ ڈاکٹر وقار علی خان اور ڈسٹرکٹ پولیس آفیسر زاہد نواز مروت کی زیر صدارت مسیحی برادری کے مذہبی تہوار کرسمس کے انتظامات کا جائزہ لینے کیلئے ضلعی بین المذاہب ہم آہنگی کمیٹی کا اجلاس ..
-
سید نجم حسن کینیڈا میں اسٹار آف البرٹا ایوارڈ حاصل کرنے والے پہلے پاکستانی بن گئے
-
اقوام متحدہ ، گولان کی پہاڑیوں سے اسرائیلی قبضہ ختم کرنے کے مطالبے پرمبنی قرار داد بھاری اکثریت سے منظور
-
نگراں وزیرخارجہ عالمی کانفرنس میں شرکت کیلئے برسلزپہنچ گئے
-
ایشین گیمزمیں ہاکی کے ایونٹ کے سیمی فائنل مقابلے کل کھیلے جائیں گے
-
فوجی خدمات سے انکار کی دھمکی اسرائیلی سلامتی کو خطرے کے مترادف
-
کارسرکار میں مداخلت کا کیس،شاہ محمود قریشی کی عبوری ضمانت منظور
-
پی ایس ایل کی افتتاحی تقریب میں 5گلوکار اپنی آواز کا جادو جگائیں گے
-
ٹوئٹر نے طویل ٹوئٹس کرنے کا آپشن متعارف کروا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.