فیسٹیول میچ، ’ٹک ٹک‘ کی دھواں دھار سنچری ، آفریدی کا لاٹھی چارج،مصباح ایگلز کامیاب

ہدف کے تعاقب میں عرفان فالکنز کی ٹیم مقررہ اوورز میں 4وکٹوں کے نقصان پر 175رنز بنا سکی،مارلن سیمیولز 72رنز کیساتھ نمایاں بلے باز رہے

ہفتہ 20 مئی 2017 16:56

فیسٹیول میچ، ’ٹک ٹک‘ کی دھواں دھار سنچری ، آفریدی کا لاٹھی چارج،مصباح ..

منامہ (اُردو پوائنٹ اخبارتازہ ترین - آن لائن۔ 20 مئی2017ء) بحرین میں کھیلے گئے دوستانہ مقابلے میں مصباح ایگلز نے سابق پاکستانی کپتان کی دھواں دھار سنچری اور بو م بوم آفریدی کے لاٹھی چارج کی بدولت عرفان فالکنزکو 69رنز سے شکست دے دی۔

(جاری ہے)

نیشنل سٹیڈیم ،بحرین میں کھیلے گئے فیسٹیول ٹی ٹونٹی میچ میں مصباح ایگلز نے پہلے بیٹنگ کرتے ہوئے مقررہ 20اوورز میں 5وکٹوں کے نقصان پر 244رنز بنائے،مصباح الحق نے محض 38گیندوں پر 10چھکوں کی مدد سے 121رنز سکور کیے جب کہ شاہد آفریدی نی5چھکوں کی مدد سے 49گیندوں پر 79رنز کی اننگز کھیلی۔

ہدف کے تعاقب میں عرفان فالکنز کی ٹیم مقررہ اوورز میں 4وکٹوں کے نقصان پر 175رنز بنا سکی،مارلن سیمیولز 72رنز کیساتھ نمایاں بلے باز رہے۔مصباح ایگلز کیلئے رانا نوید،سہیل تنویر اور مصباح الحق نے ایک ، ایک شکار کیا۔