چیمپئنز ٹرافی، پاکستان اپنا پہلا وارم اپ میچ بنگلہ دیش کے خلاف 27 مئی کو کھیلے گا

پیر 22 مئی 2017 14:16

لندن ۔ (اُردو پوائنٹ اخبارتازہ ترین - اے پی پی۔ 22 مئی2017ء) آئی سی سی چیمپئنز ٹرافی کے وارم اپ میچز کا آغاز 26 مئی سے ہو گا۔ پہلا میچ آسٹریلیا اور سری لنکا کے درمیان لندن میں کھیلا جائے گا۔ 27 مئی کو پاکستان اور بنگلہ دیش کی ٹیمیں برمنگھم میں مدمقابل ہوں گی۔

(جاری ہے)

28 مئی کو بھارت اور نیوزی لینڈ کے درمیان میچ لندن میں کھیلا جائے گا۔ 29 مئی کو پاکستان اور آسٹریلیا کی ٹیمیں برمنگھم میں آمنے سامنے ہوں گی۔ 30 مئی کو پہلا میچ بھارت اور بنگلہ دیش جبکہ دوسرا میچ نیوزی لینڈ اور سری لنکا کے درمیان کھیلا جائے گا۔ میگا ایونٹ یکم جون سے شروع ہوگا۔