یمن کو چھوٹی ریاستوں میں تقسیم نہیں ہونے دیں گے، صدر منصور ہادی

ہم کھوکھلے وجودوں کو موقع نہیں دیں گے کہ وہ کسی بھی نام سے خود کو مسلط کریں اور بنا کسی حق کے ملک کی نمائندگی کا دعوی کریں یا اجرتی قاتلوں کے ذریعے یمنی عوام کے مصائب اور تکالیف میں اضافہ کریں،متحدہ یمن یمنی عوام کا اختیار ہے اور کوئی بھی طاقت ان سے اس حق کو نہیں چھین سکتی،یمنی صدر کا ملککے اتحاد کے 27 برس پورے ہونے کے موقع پر خطاب

پیر 22 مئی 2017 15:36

یمن کو چھوٹی ریاستوں میں تقسیم نہیں ہونے دیں گے، صدر منصور ہادی

صنعاء (اُردو پوائنٹ اخبارتازہ ترین - آئی این پی۔ 22 مئی2017ء) یمن کے صدر عبدربہ منصور ہادی نے باور کرایا ہے کہ اس بات کی ہر گز اجازت نہیں دی جائے گی کہ کسی کمانڈر یا کسی جماعت کی مشتبہ خواہشات کے مطابق یمن کو چھوٹی چھوٹی ریاستوں میں تقسیم ہونے دیا جائے۔غیر ملکی میڈیا کے مطابق انہوں نے یہ بات یمن کے اتحاد کے 27 برس پورے ہونے کے موقع پر اپنے خطاب میں کہی۔

شمالی اور جنوبی یمن کا اتحاد 22 مئی 1990 کو عمل میں آیا تھا۔

(جاری ہے)

ہادی نے اس موقع پر زور دے کر کہا کہ ہم کھوکھلے وجودوں کو موقع نہیں دیں گے کہ وہ کسی بھی نام سے خود کو مسلط کریں اور بنا کسی حق کے ملک کی نمائندگی کا دعوی کریں یا اجرتی قاتلوں کے ذریعے یمنی عوام کے مصائب اور تکالیف میں اضافہ کریں۔ہادی کے مطابق متحدہ یمن یمنی عوام کا اختیار ہے اور کوئی بھی طاقت ان سے اس حق کو نہیں چھین سکتی۔یمن کے صدر نے واضح کیا کہ یمنی عوام کسی طور اس بات کی اجازت نہیں دیں گے کہ ان کو بغاوت ، دہشت گردی اور تفرقہ کے منصوبوں کے خلاف برسر جنگ ہونے سے بھٹکایا جائے۔

Facebook Twitter Google + Share on Whatsapp

یمن کو چھوٹی ریاستوں میں تقسیم نہیں ہونے دیں گے، صدر منصور ہادی

متعلقہ عنوان :

مزید بین الاقوامی خبریں