ْ وزیراعظم کے مشیر برائے سول ایوی ایشن مہتاب عباسی کا طیارے میں ہیروئن کی تحقیقات کا حکم

ایڈیشنل آئی جی پولیس حسین اصغر کو انکوائری افسر مقرر کردیا ،ْفوری رپورٹ پیش کر نے کی ہدایت

پیر 22 مئی 2017 20:35

اسلام آباد (اُردو پوائنٹ اخبارتازہ ترین - این این آئی۔ 22 مئی2017ء) وزیراعظم کے مشیر برائے سول ایوی ایشن مہتاب عباسی نے طیارے میں ہیروئن کی تحقیقات کا حکم دیتے ہوئے ایڈیشنل آئی جی پولیس حسین اصغر کو انکوائری افسر مقرر کردیا۔

(جاری ہے)

میڈیا رپورٹ کے مطابق مشیر وزیر اعظم برائے سول ایوی ایشن نیانکوائری کمیٹی کو ہدایات جاری کہ واقعہ کی فوری تحقیقات کرکے رپورٹ دے جائے، ان کا کہنا تھا کہ انکوائری کمیٹی کی رپورٹ کی روشنی میں ہی مزید کارروائی کی جائے گی۔

پی آئی اے کے طیاروں میں پے درپے ہیروئن کی برآمدگی کے واقعات کے بعد قومی ایئرلائن کی تمام انٹرنیشنل پروازوں کی مکمل چیکنگ کی جائے گی ۔ترجمان پی آئی اے کے مطابق طیاروں کی تلاشی اے این ایف ،ْپی آئی اے سکیورٹی ،کسٹم انٹیلی جنس اور دیگر ادارے کریں گیاور کلیرنس کے بعد ہی طیارے کوروانگی کی اجازت ملے گی ۔