موجودہ حکومت نے معیشت میں بہتری کیلئے قرضہ لیا ، ملکی معیشت کا حجم 300 ارب ڈالر تک پہنچ چکا ہے ، چین کے ساتھ جو معاہدہ ہوگا سے منظر عام پرلائیں گے ، چین پاکستان اقتصادی راہداری منصوبہ پاکستان کیلئے تحفہ ہے ، دنیا کے تمام بڑے ادارے پاکستان پر اعتماد کا اظہار کر رہے ہیں

اسلام آباد (اُردو پوائنٹ اخبارتازہ ترین - آئی این پی۔ 22 مئی2017ء) وفاقی وزیر برائے منصوبہ بندی اور ترقی احسن اقبال نے کہا ہے کہ موجودہ حکومت نے معیشت میں اضافے کے لئے قرضہ لیا ، ملکی معیشت کا حجم 300 ارب ڈالر تک پہنچ چکا ہے ، ہمارا چین کے ساتھ جو معاہدہ ہوگا سے منظر عام پرلائیں گے ، چین پاکستان اقتصادی راہداری منصوبہ پاکستان کے لئے تحفہ ہے ، دنیا کے تمام بڑے ادارے پاکستان پر اعتماد کا اظہار کر رہے ہیں ۔

منگل کو نجی ٹی وی پروگرام سے گفتگو کرتے ہوئے احسن اقبال نے کہا کہ حکومتیں الیکشن کے سال میں بجٹ خسارے کو بڑھا دیتی ہیں ۔ ٹیکس وصولی میں اضافے سے ترقیاتی بجٹ حجم بڑھایا ۔ مکمل معیشت کا حجم 300 ارب ڈالر تک پہنچ چکا ہے ۔ موجودہ حکومت نے معیشت میں اضافے کے لئے قرضہ لیا دنیا کے بڑے بڑے ادارے پاکستان پر اعتماد کا اظہار کر رہے ہیں ۔

(جاری ہے)

انہوں نے ک ہا کہ سی پیک کے تحت میگا پراجیکٹ لگرہے ہیں ۔

ہمارا چین کے ساتھ جو معاہدہ ہو گا اسے پبلک کریں گے ۔ اقتصادی راہداری منصوبہ پاکستان کے لئے تحفہ ہے ۔ 2013 میں ہماری معیشت نیچے جا رہی تھی اور اب پاکستان کی معیشت مستحکم ہو رہی ہے ۔ 10 ہزار میگا واٹ بجلی کے منصوبوں پر کام جاری ہے ۔ سی پیک کے تحت بجلی بحران پر قابو پا رہے ہیں ۔ احسن اقبال نے کہا کہ دورہ چین کے دوران دو منصوبوں کا معاہدہ کیا ۔

ایسٹ بے ایکسپریس سے ہائی وے تک 19 کلو میٹرسڑک بنے گی ۔ اس منصوبے کے تحت پانچ کلو میٹر کا پل سمندر کے اوپر تعمیر کیا جائے گا ۔ کراچی ائیر پورٹ کی تعمیر کے معاہدے پر بھی دستخط ہوئے ۔ گوادر میں پانچ ملین گیلن پانی ٹرٹیمنٹ پلانٹ کا بھی معاہدہ ہوا ۔ پاکستان اور چین کے ماہرین نے پلانٹ پر کام شروع کردیا کوشش ہے رواں سال واٹر ٹریٹمنٹ پلانٹ کی بنیاد رکھ دی جائے ۔ …(م د )