پاک فوج نے ایل اوسی پرپاکستانی فوجی چیک پوسٹ تباہ کرنے کابھارتی دعویٰ مسترد کردیا

نوشہرہ سیکٹر میں پاکستانی چوکی تباہ کرنے اور پاک فوج کی طرف سے ایل اوسی کی دوسری جانب شہری آبادی پر فائرنگ کا الزام غلط ہے،ڈی جی آئی ایس پی آر

منگل 23 مئی 2017 18:12

پاک فوج نے ایل اوسی پرپاکستانی فوجی چیک پوسٹ تباہ کرنے کابھارتی دعویٰ ..

ْ راولپنڈی(اُردو پوائنٹ اخبارتازہ ترین - آئی این پی۔ 23 مئی2017ء) پاک فوج نے کنٹرول لائن کے نوشہرہ سیکٹرپرپاکستانی فوجی چیک پوسٹ تباہ کرنے کابھارتی دعویٰ مسترد کرتے ہوئے کہاہے کہ پاک فوج کی جانب سے ایل او سی کی دوسری جانب شہری آبادی پر فائرنگ نہیں کی گئی ، اس حوالے سے بھارتی الزام غلط ہے۔

(جاری ہے)

منگل کوپاک فوج کے شعبہ تعلقات عامہ ( آئی ایس پی آر) کے ڈائریکٹر جنرل میجر جنرل آصف غفور نے اپنے سماجی رابطوں کی ویب سائیٹ ٹوئٹر پر بھارتی فوج کے دعوے کا جواب دیتے ہوئے کہا کہ نوشہرہ سیکٹر میں پاکستانی چوکی تباہ کرنے کا بھارتی دعویٰ غلط ہے جبکہ پاک فوج کی طرف سے ایل اوسی کی دوسری جانب شہری آبادی پر فائرنگ کا بھارتی الزام بھی غلط ہے ۔ (ن م)