کراچی،رینجرز و پولیس کے آپریشن میں 6 ملزمان گرفتار، 9زیرحراست

بدھ 24 مئی 2017 11:46

کراچی (اُردو پوائنٹ اخبارتازہ ترین - آئی این پی۔ 24 مئی2017ء) کراچی شہر میں رینجرز اور پولیس آپریشن میں 6 ملزمان گرفتار جبکہ 9 کو حراست میں لے لیا گیا ۔ رینجرز ذرائع کے مطابق اسکائوٹ کالونی میں واقع رہائشی عمارت کے فلیٹوں میں سرچ آپریشن کیا گیا، جس میں رینجرز کے 50 سے زائد اہلکاروں نے حصہ لیا۔ آپریشن میں رینجرز کے نقاب پوش کمانڈوز بھی تھے، کارروائی کے دوران انتہائی مطلوب 2 ملزمان کو گرفتار کرکے تفتیش کے لئے نامعلوم مقام پر منتقل کردیا گیا۔

ملزمان کا تعلق کالعد م تنظیم سے ہے۔ دوسری جانب شاہ فیصل کالونی نمبر 3،4،5 میں پولیس نے کارروائی کرتے ہوئے 9 مشتبہ ملزمان کو حراست میں لے لیا۔ملزمان میں ایک مفرور، جبکہ پولیس پر حملے کا ایک ملزم بھی شامل ہے، جن کے قبضے سے اسلحہ اور چھینی گئی موٹرسائیکل ملی ہے۔

(جاری ہے)

ادھر نیو کراچی صنعتی ایریا سے اسٹریٹ کریمنل محمد حسین گرفتار جبکہ ملزم سے اسلحہ اورچھینی گئی موٹرسائیکل برآمد ہوئی، موٹر سائیکل بلال کالونی سے چھینی گئی تھی۔

جیکسن کیمارڑی میں کارروائی کے دوران ملزم سعید گرفتار ہوگیا۔ گرفتار ملزم کے قبضے سے بغیر لائسنس پستول برآمد ہوئی جس کے کیخلاف پولیس نے مقدمہ درج کرلیا ۔گلبہار پولیس کی حاجی مرید گوٹھ اور فردوس کالونی میں کارروائی میں 2ملزمان گرفتار ہوئے۔ گرفتار ملزمان سے اسلحہ اورمنشیات برآمدہوئی ۔