ڈیوائن براوو کا نیا گانا، شاہد آفریدی سے ملاقات کا احوال بھی شامل

براوو نے افغان کرکٹر راشد خان سے ملنے کی کہانی بھی شاعری میں بیان کی

ہفتہ 27 مئی 2017 17:03

ڈیوائن براوو کا نیا گانا، شاہد آفریدی سے ملاقات کا احوال بھی شامل

نئی دہلی (اُردو پوائنٹ اخبارتازہ ترین - آن لائن۔ 27 مئی2017ء) ویسٹ انڈین آل راؤنڈر ڈیوائن براوو کے گانے کی نئی ویڈیو بھی منظرعام پر آگئی، جس میں انھوں نے پاکستانی اسٹار شاہد خان آفریدی سے اپنی ملاقات کا احوال بھی گیت میں پیش کیا۔

(جاری ہے)

براوو نے افغان کرکٹر راشد خان سے ملنے کی کہانی بھی شاعری میں بیان کی، ڈیوائن براوو ماضی میں ورلڈ کپ 2015 کے موقع پر ’چیمپئن چیمپئن‘ گاکر بھی خاصے مشہور ہوئے تھے۔

انھوں نے ’ چلو چلو‘ اور ’ ٹرپ ابھی باقی ہے‘ نامی گیت بھی گائے ہیں۔نئے گیت میں وہ بھارتی کپتان ویرات کوہلی سے درخواست کرتے ہیں کہ وہ اپنے پیشرو دھونی کو واٹس اپ کریں، گیت کی شروعات سری لنکا سے ہوتی ہے، جہاں وہ اپنے دوست کمار سنگاکارا کو بلاتے ہیں، وہ پھر اپنے دوست مہیلا جے وردنے کو کال کرتے ہیں، اسی طرح گیت میں دیگر کرکٹرز بھی شریک ہوتے چلے جاتے ہیں۔