فٹبال کی دنیا کے مہنگے ترین کھلاڑی پال پوگبا عمرے کی ادائیگی کیلئے مکہ پہنچ گئے

دنیا کی سب سے خوبصورت جگہ اور چیز جو میں اپنی زندگی میں دیکھ رہا ہوں، پال بوگبا نے پوری امت مسلمہ کو رمضان کی مبارکباد بھی پیش کی

پیر 29 مئی 2017 14:17

فٹبال کی دنیا کے مہنگے ترین کھلاڑی پال پوگبا عمرے کی ادائیگی کیلئے ..
ریاض (اُردو پوائنٹ اخبارتازہ ترین - آن لائن۔ 29 مئی2017ء) فرانس کے بین الاقوامی کھلاڑی اور مانچسٹر یونائیٹڈ کلب کے اہم ستون پال پوگبا ان دنوں عمرے کی ادائیگی کے لئے مکہمیں موجود ہیں۔فٹبال کی دنیا کے مہنگے ترین کھلاڑی پال پوگبا ان دنوں عمرے کی ادائیگی کے لئے مکے میں موجود ہیں۔ مکے کی فضاؤں میں جانے سے صرف 3 روز قبل ہی پال پوگبا نے یورپا لیگ میں مانچسٹر یونائیٹڈ کی نمائندگی کی تھی اور ان کی ٹیم نے یورپا لیگ کپ کا فائنل بھی اپنے نام کیا تھا۔

سیزن کے اختتام پر پال پوگبا نے ایک سوٹ کیس کے ہمراہ اپنی ایک ویڈیو جاری کی تھی جس میں ان کا کہنا تھا کہ وہ عبادت کی غرض سے سفر کر رہے ہیں اور اس دوران وہ عمرہ کی ادائیگی کریں گے۔گزشتہ روز پال پوگبا نے مکے سے اپنی تصویر پوسٹ کرکے تحریر کیا تھا کہ دنیا کی سب سے خوبصورت جگہ اور چیز جو میں اپنی زندگی میں دیکھ رہا ہوں، پال بوگبا نے پوری امت مسلمہ کو رمضان کی مبارکباد بھی پیش کی۔

(جاری ہے)

واضح رہے کہ 24 سالہ فرانسیسی فٹبالر پال پوگبا اس سے قبل بھی حج کی ادائیگی کے لئے مکے کا سفر کرچکے ہیں۔ انہیں گزشتہ برس دنیا کا سب سے مہنگے کھلاڑی بننے کا بھی اعزاز حاصل ہوا جب انگلش فٹبال کلب مانچسٹر یونائیٹڈ نے اطالوی کلب یووینٹس سے آٹھ کروڑ 90 لاکھ پاؤنڈ کی ریکارڈ قیمت کے عوض پوگبا کی خدمات حاصل کیں تھیں۔

متعلقہ عنوان :