سوشل میڈیا پرخطرات کے انتباہ اور ایمرجنسی رابطہ نمبرزکے جعلی پیغامات پھیلا کر آئی ایس پی آر سے منسوب کئے جا رہے ہیں ، آئی ایس پی آر

آئی ایس پی آر وٹس ایپ پر کچھ شیئر نہیں کرتا ، آفیشل ویب سائٹ یا اکائونٹ سے تصدیق کئے بغیر ایسے پیغامات آگے نہ پھیلائے جائیں ، بیان

بدھ 7 جون 2017 18:07

سوشل میڈیا پرخطرات کے انتباہ اور ایمرجنسی رابطہ نمبرزکے جعلی پیغامات ..

راولپنڈی(اُردو پوائنٹ اخبارتازہ ترین - این این آئی۔ 07 جون2017ء) پاک فوج کے شعبہ تعلقات عامہ (آئی ایس پی آر) نے کہا ہے کہ سوشل میڈیا پر کچھ عرصہ سے خطرات کے انتباہ اور ایمرجنسی رابطہ نمبرزکے جعلی پیغامات پھیلا کر آئی ایس پی آر سے منسوب کئے جا رہے ہیں ، آفیشل ویب سائٹ یا اکائونٹ سے تصدیق کئے بغیر ایسے پیغامات آگے نہ پھیلائے جائیں ۔

(جاری ہے)

آئی ایس پی آر سے جاری بیان کے مطابق کچھ عرصہ سے سوشل میڈیا پر آئی ایس پی آر سے منسوب کر کے جعلی پیغامات پھیلائے جا رہے ہیں جن میں جھوٹے خطرات کا انتباہ اور ایمرجنسی رابطہ نمبرز دیئے جاتے ہیں ۔

بیان کے مطابق واضح کیا جاتا ہے کہ آئی ایس پی آر صرف آفیشل ویب سائٹ / اکائونٹس کے ذریعے ہی بیانات جاری کرتی ہے ۔ وٹس ایپ کے ذریعے کچھ شیئر نہیں کیا جاتا ۔ بیان کے مطابق آئی ایس پی آر کی آفیشل ویب سائٹ / اکائونٹس سے تصدیق کئے بغیر ایسے پیغامات آگے نہ پھیلائے جائیں ۔