بس ریپڈ ٹرانزٹ منصوبہ پاکستان کا پہلا منصوبہ ہے جس کی مکمل تفصیل اور سو فیصد اخراجات دکھائے جارہے ہیں،پرویزخٹک
اسلام آباد ، پنجاب اور سندھ میں اس نوعیت کے منصوبوں کے صرف سٹرکچر کی قیمت دکھائی گئی ہے ۔کوئی دم چھپا لیتا ہے اور کوئی ٹانگیں جب کہ ہم نے سب کچھ واضح کر دیا ہے ۔ ہمارا بس ریپیڈ ٹرانزٹ منصوبہ صوبے پر بوجھ نہیں بنے گا ۔اس منصوبے میں شامل کمر شل فیچرز سے حاصل ہونے والی آمدنی سے قرضہ بھی یہ منصوبہ خود ادا کرے گا۔صوبائی حکومت صوبے میں کوئی ایسا منصوبہ شروع نہیں کررہی جو اس پر مالی بوجھ بنے یہ حکومت دیدہ دانستہ عوام کو کبھی مایوس نہیں کرے گی ،وزیراعلی خیبرپختونخوا کااسمبلی میں اظہارخیال
اتوار 11 جون 2017 19:20
(جاری ہے)
ان خیالات کا اظہارانہوںنے خیبرپختونخوا اسمبلی کے بجٹ اجلاس کے دوران سوالات کا جواب دیتے ہوئے کیا ۔
وزیراعلیٰ نے واضح کیا کہ بی آرٹی کے حوالے سے قرضے سے متعلق جو پروپیگنڈہ کیا جار ہاہے وہ حقیقت کے برعکس ہے اس منصوبے پر ایسا قرضہ نہیں لیا جارہا ہے جو صوبے کو لے ڈوبے گا۔ بی آرٹی کے سٹرکچر کی قیمت اسلام آباد ، پنجاب اور دیگر منصوبوں کے مقابلے میں 25 فیصد کم ہے ہم نے اس منصوبے میں 20 ارب روپے کے اضافی فیچزز ڈالے ہیںجو آمدنی اور قرضے کی واپسی کا ذریعہ ہوں گے ۔وزیراعلیٰ نے کہا کہ چمکنی سے حیات آباد تک تین پیکجز پر مبنی مین کوریڈور28 کلومیٹر طویل ہے جبکہ سات رابطہ روٹس کی مجموعی لمبائی تقریباً 50 کلومیٹر بنتی ہے۔ اس منصوبے پر 380 ایئر کنڈیشنڈ بسیں چلائی جائیں گی ۔وزیراعلیٰ نے کہاکہ پاکستان بھر کا واحد منصوبہ ہے جس کی مکمل تفصیلات ہم نے دے دی ہیں ۔ہم نے زمین کی قیمت ، بینک سود،متاثرین کی بحالی سمیت ہر چیز منصوبے میں رکھی اور دکھائی ہے جبکہ اس نوعیت کے ملک میں دیگر منصوبوں کا صرف سٹرکچر دکھا یا گیا ہے اور باقی تمام چیزیں اوراُن کے اخراجات پوشیدہ رکھے گئے ہیں۔ وزیراعلیٰ نے چیلنج کیا کہ جس کو اعتراض ہو وہ اسلام آباد ، پنجاب اور سندھ کے میٹرو سروسز سے خیبرپختونخوا کے اس منصوبے کا موازانہ کریں اورہم نے موازنہ کرکے دکھایا ہے کہ ہمارا منصوبہ دیگر تمام منصوبوں سے زیادہ قابل عمل ، پرسہولت اور نفع بخش ہے ۔وزیراعلیٰ نے کہا کہ وہ صوبے میں کوئی ایسا منصوبہ شروع نہیں کر رہے جو اس پر مالی بوجھ بنے ۔ہمارا صوبہ غریب ہے ہم اس کی مالی مشکلات میں اضافہ نہیں کریں گے ۔سخت مجبوری کی صورت میں اگر ناگزیر ہوا توتھوڑا بہت قرضہ لیا جا سکتا ہے جیسا کہ ہمیں محکمہ صحت میں70 سال کے شارٹ فال پر قابوپانے کیلئے 14 ارب روپے چاہیئے ہوں گے ۔ہمیں دیگر شعبوں کی طرح صحت بھی تباہ حال ملا تھا۔ جس کی بہتری کیلئے خاطر خواہ اقدامات اُٹھائے گئے اور مزید کوششیں جاری ہیں۔میگا پراجیکٹ کے حوالے سے بات کرتے ہوئے وزیراعلیٰ نے کہا کہ اُن کے نزدیک صحت ، تعلیم ، نظام کو ٹھیک کرنا اور عوام کو خدمات کی فراہمی میگا پراجیکٹس ہیں ۔کسی ایک پل کا بنا لینا میگا پراجیکٹ نہیں ہے اور جو لوگ اس کو میگا پراجیکٹس سمجھتے ہیں وہ غلط فہمی کا شکار ہیں ۔ جہاں تک تعمیراتی منصوبوں کا تعلق ہے تو صوبے کے طول و عرض میں سکیموں پر کام شروع ہے ۔ ہماراسوات موٹروے فن تعمیر کا شاہکار منصوبہ ثابت ہو گا ۔وزیراعلیٰ نے کہاکہ 70 سالوں میں کسی نے بھی سوات موٹر وے جیسا مفید منصوبہ نہیں بنا یا ۔40 ارب روپے کی معقول لاگت سے تعمیر ہونے والا یہ منصوبہ صرف نمائش کیلئے نہیں ہے بلکہ یہ ایک قابل عمل منصوبہ ہے اور اس کی شدید ضرورت بھی ہے کیونکہ سوات موٹروے سے پورا ملاکنڈ ترقی کیلئے اوپن ہو جائے گا۔ اس منصوبے کی لاگت میں 15 ارب روپے ہم نے صوبے کے ڈالے ہیں جبکہ باقی اخراجات منصوبہ خود ادا کرے گا۔ اس منصوبے کے تحت دوسرے مرحلے میں چکدرہ سے مینگورہ موٹروے کی منصوبہ بندی کی جارہی ہے ۔اسی سال اس کو منصوبے کی شکل میں لے آئیں گے ۔وزیراعلیٰ نے کہاکہ وہ صوبے میں کوئی ایسا منصوبہ شروع نہیں کر رہے جواس کیلئے مالی بوجھ بنے اس وقت صوبے پر 80 سے 90 ارب روپے قرضہ موجود ہے ۔ہم نے پہلے سے موجود قرضہ واپس کرنا اور سود ادا کرنا شروع کیا ۔ہم اس صوبے کو اپنے پائوں پر کھڑا کرنا چاہتے ہیں ۔دیدہ دانستہ یہ حکومت کبھی بھی عوام کو مایوس نہیں کرے گی ۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.