وزیر اعظم اور وزیر اعلیٰ پنجاب جے آئی ٹی کے سامنے پیش ہو کر نئی تاریخ رقم کر دی ہے‘ معین خان وٹو

ہفتہ 17 جون 2017 22:46

اوکاڑہ۔ (اُردو پوائنٹ اخبارتازہ ترین - اے پی پی۔ 17 جون2017ء) پاکستان مسلم لیگ(ن) کے مرکزی رہنماء رکن قومی اسمبلی میاں معین خان وٹونے کہا ہے کہ وزیر اعظم محمد نواز شریف نے جے آئی ٹی کے سامنے تفتیش کے لئے پیش ہوکر ثابت کردیاہے کہ وہ آئین اور قانون کی بالا دستی کو یقینی بناناچاہتے ہیں‘ دنیا میں آج وہ قومیں ہی سرفراز ہیں جنہوں نے قانون اور آئین کی طاقت کوتسلیم کیااور پھر قانون اور آئین کو بھی جدید ضروریات کے تقاضوں میں ڈھالا ۔

(جاری ہے)

ان خیالات کا اظہا رانہوں نے میڈیا سے ملاقات کرتے ہوئے کیا۔ اس موقع پر چئیر مین یونین کونسل میاں فخر حیات وٹو بھی موجود تھے ۔ میاں معین خان وٹونے کہا کہ مسلم لیگ (ن) کی قیادت نے ثابت کردیا ہے کہ وہ آئین اور قانون کی بالادستی پر پورا یقین رکھتے ہیں اور منتخب وزیر اعظم محمد نواز شریف اور منتخب وزیر اعلیٰ محمد شہباز شریف نے جے آئی ٹی کے سامنے پیش ہو کر نئی تاریخ رقم کردی ہے اور آنے والے عام انتخابات میں بھی جیت مسلم لیگ (ن) کی ہی ہو گی ۔