سجل علی کی بالی ووڈ فلم’’مام‘‘ کے سانگ کی انٹرنیٹ پر دھوم

بالی ووڈ کی نامور ادکارہ سری دیوی فلم ’’مام‘‘ میں مرکزی کردار ادا کر رہی ہیں گانے کو سری دیوی، سجل علی اورعدنان صدیقی پر پکچرائز کیا گیا ہے، فلم 7 جولائی کو سینما گھروں کی زینت بنے گی

اتوار 18 جون 2017 10:00

ممبئی(اُردو پوائنٹ اخبارتازہ ترین - این این آئی۔ 18 جون2017ء) پاکستانی اداکارہ سجل علی بالی ووڈ ’’مام‘‘ میں اہم کردار ادا کر رہی ہیں اور ان کی فلم کے ٹائٹل سانگ ’’او سونا تیرے لئے‘‘ نے ریلیز ہوتے ہی انٹرنیٹ پر دھوم مچا دی ہے۔بالی ووڈ کی نامور ادکارہ سری دیوی فلم ’’مام‘‘ میں مرکزی کردار ادا کر رہی ہیں اور فلم میں ان کے ساتھ پاکستانی اداکارہ سجل علی اور عدنان صدیقی بھی مرکزی کردار ادا کرتے نظرآئیں گے۔

(جاری ہے)

فلم ’’مام‘‘ کے ٹ?ائٹل سانگ ’’او سونا تیرے لئے‘‘ نے ریلیز ہوتے ہی انٹرنیٹ پر دھوم مچادی ہے۔ فلم کا سانگ اے آررحمان نے کمپوز کیا ہے اور اس میں اپنی خوبصورت آواز کا جادوبھی جگایا ہے۔’’او سونا تیرے لئے‘‘ کی تھیم والدین کی اپنے بچوں کے حوالے سے سوچ کو مد نظر رکھ کر بنائی گئی ہے، گانے کو سری دیوی، سجل علی اورعدنان صدیقی پر پکچرائز کیا گیا ہے، فلم 7 جولائی کو سینما گھروں کی زینت بنے گی۔