عید الفطر کے حوالے سے مختلف ثقافتی پروگرام سمیت جشن آزادی کو بھر پور طریقے سے منا یا جائے گا،سی ڈی اے و میٹرو پولیٹن کارپوریشن

منگل 20 جون 2017 12:02

اسلام آباد ۔ (اُردو پوائنٹ اخبارتازہ ترین - اے پی پی۔ 20 جون2017ء) وفاقی ترقیاتی ادارہ (سی ڈی ای) اور میٹرو پولیٹن کارپوریشن نے کہا ہے کہ رواں سال اگست میں عید الفطر کے حوالے سے مختلف ثقافتی پروگرام سمیت جشن آزادی کو بھر پور طریقے سے منا یا جائے گا۔ سی ڈی اے سپورٹس اینڈ کلچرل اور سی ڈی اے ٹریننگ اکیڈمی کے ایگزیکٹیو ڈائریکٹر جنرل ثناء اللہ امان کے مطابق سی ڈی اے رمضان المبارک کے بعد عیدالفطر کے موقع پر مختلف ثقافتی پروگرام منعقد کرا رہا ہے اور اس کے ساتھ جشن آزادی ملی جوش وجذبے کے ساتھ منانے کے لئے رواں سال یکم سی14اگست تک پروگرام ترتیب دے رکھے ہیں۔

عید الفطر کے بعد وفاقی دارلحکومت اسلام آباد میں میوزیکل شو کا انعقاد کیا جائے گا جس میں نامور فنکاروں کو مدعو کریں گے تاکہ یہاں کے رہائشی اس سے خوب محظوط ہو سکیں۔

(جاری ہے)

اسی طرح ثقافتی میلے،پینٹنگ کے مقابلوں،میوزیکل شو سیمت دیگر ثقافتی پروگرام منعقد کرائے جائیں گے۔سی ڈی اے نے جشن آزادی کو بھر پور طریقے سے منانے کا فیصلہ کیا ہے۔جشن آزادی کے موقع پر مختلف پروگرام بھی یکم سی14اگست تک منعقد ہوں گے۔اس دوران ملی ترانوں، جشن آزادی شو سیمت جشن آزادی کے حوالے دیگر پروگرام بھی منعقد ہوں گے۔انہوں نے کہا کہ جشن آزادی کو بھر پور طریقے سے منانے کے لئے آتش بازی بھی کریں گے۔سی ڈی اے اس حوالے انتظامات کو حتمی شکل دے رہا ہے۔