مردم شماری کا کام مکمل ،ْ اضلاع سے وصول شدہ اعدادوشمار کی ڈیٹا انٹری کا کا م جاری ہے ،ْ آصف باجوہ

اپریل 2018تک مردم شماری کی حتمی رپورٹ شائع کردی جائے گی ،ْ چیف شماریات مردم شماری ڈیٹا میں تاخیر ہوئی تو انتخابات موجودہ حلقہ بندیوں پر ہوں گے ،ْچیف الیکشن کمشنر

بدھ 21 جون 2017 23:07

مردم شماری کا کام مکمل ،ْ اضلاع سے وصول شدہ اعدادوشمار کی ڈیٹا انٹری ..

اسلام آباد (اُردو پوائنٹ اخبارتازہ ترین - این این آئی۔ 21 جون2017ء) چیف شماریات آصف باجوہ نے کہاہے کہ مردم شماری کا کام مکمل ہوگیا ہے ،ْ اضلاع سے وصول شدہ اعدادوشمار کی ڈیٹا انٹری کا کا م جاری ہے۔

(جاری ہے)

آصف باجوہ کا الیکشن کمیشن کو ملک بھر میں کی جانی والی مردم شماری پر بریفنگ دیتے ہوئے کہنا تھا کہ مرد م شماری کا عمل تو مکمل ہوگیا ہے اور ہم عبوری ڈیٹا جولائی 2017تک دے سکتے ہیں جوکہ حتمی نہیں ہوگالیکن اپریل 2018تک مردم شماری کی حتمی رپورٹ شائع کردی جائے گی۔

دوسری جانب چیف الیکشن کمشنر سرداری رضا خان نے کہا کہ مردم شماری ڈیٹا میں تاخیر ہوئی تو انتخابات موجودہ حلقہ بندیوں پر ہوں گے کیونکہ مردم شماری کا ڈیٹا ملنے تک حلقہ بندیوں کا کام نہیں کرسکتے کیونکہ قانون کسی بھی عبوری ڈیٹا کی اجازت نہیں دیتا۔