ویمنز کرکٹ ورلڈ کپ کل سے انگلینڈ میں شروع ہو گا

، پاکستانی ٹیم اپنا پہلا میچ 25 جون کو جنوبی افریقہ کے خلاف کھیلے گی

جمعرات 22 جون 2017 14:04

ویمنز کرکٹ ورلڈ کپ کل سے انگلینڈ میں شروع ہو گا

لندن (اُردو پوائنٹ اخبارتازہ ترین - آن لائن۔ 22 جون2017ء) آئی سی سی ویمنز ورلڈ کپ کل ہفتہ سے انگلینڈ میں شروع ہوگا۔ افتتاحی روز دو میچ کھیلے جائیں گے، نیوزی لینڈ کی ٹیم سری لنکا سے نبرد آزما ہوگی جبکہ دوسرا میچ انگلینڈ اور بھارت کے درمیان کھیلا جائے گا۔ تفصیلات کے مطابق میگا ایونٹ میں انگلینڈ، آسٹریلیا، پاکستان، نیوزی لینڈ، بھارت، ویسٹ انڈیز، جنوبی افریقہ اور سری لنکا کی ٹیمیں شرکت کریں گی۔

(جاری ہے)

ٹورنامنٹ میں ہر ٹیم سات لیگ میچ کھیلے گی اور چار ٹیمیں سیمی فائنل کیلئے کوالیفائی کریں گی۔ پاکستانی ٹیم اپنا پہلا میچ 25 جون کو جنوبی افریقہ کے خلاف کھیلے گی، دوسرا میچ 27 جون کو انگلینڈ، تیسرا 2 جولائی کو بھارت، چوتھا 5 جولائی کو آسٹریلیا، پانچواں 8 جولائی کو نیوزی لینڈ، چھٹا 11 جولائی کو ویسٹ انڈیز جبکہ ساتواں اور آخری میچ 15 جولائی کو سری لنکا کے خلاف کھیلے گی۔ ٹورنامنٹ کا پہلا سیمی فائنل 18 جولائی، دوسرا 20 جولائی جبکہ فائنل 23 جولائی کو کھیلا جائے گا۔