بھارت سے مذاکرات کی بھیک نہیں مانگ رہے، عبدالباسط

پاکستان تمام تنازعات کو بات چیت سے حل کرنے کا خواہاں ہے،نئی دہلی نے پیشگی شرائط رکھی تو مذاکرات آگے نہیں بڑھ سکیں گے،مسئلہ کشمیر کو عوام کی امنگوں کے مطابق حل کرنا چاہیے پاکستانی ہائی کمشنر عبدالباسط کا کشمیری جریدے کو انٹرویو

جمعرات 22 جون 2017 14:11

بھارت سے مذاکرات کی بھیک نہیں مانگ رہے، عبدالباسط
نئی دلی(اُردو پوائنٹ اخبارتازہ ترین - آئی این پی۔ 22 جون2017ء) بھارت میں پاکستانی ہائی کمشنر عبدالباسط نے کہا ہے کہ پاکستان تمام تنازعات کو بات چیت سے حل کرنے کا خواہاں ہے لیکن بھارت سے مذاکرات کی بھیک نہیں مانگ رہے، نئی دہلی نے پیشگی شرائط رکھی تو مذاکرات آگے نہیں بڑھ سکیں گے ۔

(جاری ہے)

کشمیری جریدے کو انٹرویو دیتے ہوئے بھارت میں پاکستانی ہائی کمشنر عبدالباسط نے کہا کہ مسئلہ کشمیر کو عوام کی امنگوں کے مطابق حل کرنا چاہیے تاہم پاکستان بھارت سے مذاکرات کی بھیک نہیں مانگ رہا۔

انہوںنے کہا کہ مقبوضہ کشمیر کی صورتحال توجہ طلب ہے اور مسئلے کے حل کے لیے بات چیت کی ضرورت ہے ، امیدہے پاکستان اور بھارت کے درمیان مستقبل قریب میں مذاکرات پھر شروع ہوں گے تاہم اگر نئی دہلی نے پیشگی شرائط کی رٹ جاری رکھی تو مذاکرات آگے نہیں بڑھ سکیں گے۔؂ انہوں نے کہا مسئلہ کشمیر کے حل کے بغیر خطے میں پائیدار امن قائم نہیں کیا جا سکتا، مسئلہ کشمیر کو عوام کی امنگوں کے مطابق حل کیا جانا چاہیے۔