عمران خان کی قیادت اور بیرسٹر سلطان پر عوامی یقین نے مہر ثبت کر دی ہے کہ مظفرآباد پاکستان تحریک انصاف کا قلعہ ہے

ڈویژنل صدر پاکستان تحریک انصاف مظفرآباد ملک انصر سہیل کی بات چیت

جمعرات 22 جون 2017 15:28

مظفرآباد (اُردو پوائنٹ اخبارتازہ ترین - آئی این پی۔ 22 جون2017ء) ڈویژنل صدر پاکستان تحریک انصاف مظفرآباد ملک انصر سہیل نے کہا ہے کہ عمران خان کی قیادت اور بیرسٹر سلطان محمود چوہدری پر عوامی یقین نے اس بات پر مہر ثبت کر دی ہے کہ ڈویژن مظفرآباد پاکستان تحریک انصاف کا قلعہ ہے اور آزاد کشمیر میں تبدیلی کا آغاز یہیں سے ہوگا، انہوں نے کہا کہ گڈ گورننس کے دعویداروں نے غریب ملازمین کے منہ سے روٹی کا نوالہ تک چھین لیا ہے ، پچھلے چار ماہ سے ملازمین تنخواہوں کیلئے دربدر ہیں، اسٹیٹ بنک نے حکومت کی طرف سے دیے جانے والے چیکس واپس ان کے منہ پر دے مارے ہیں بلدیاتی ادارہ جات بری طرح ناکام ہو چکے ہیں آنے والا وقت صرف پی ٹی آئی کا ہے گڈ گورننس کا نعہ مستانہ بلند کر نے والوں نے اس کا حلیہ بگاڑ کر رکھ چھوڑا ہے بہت جلد عوام کو بیروزگار کر نے والوں کو چلتا کر دیں گے عید القربان پر بڑی قربانی ہوگی۔