دھابیجی میں بجلی کے بریک ڈائون سے پھٹنے والی پائپ لائن کی مرمت مکمل

جمعرات 22 جون 2017 16:59

کراچی (اُردو پوائنٹ اخبارتازہ ترین - آن لائن۔ 22 جون2017ء) دھابیجی میں 2 روز قبل بجلی کے بریک ڈائون سے پھٹنے والی پائپ لائن کی مرمت مکمل کرلی گئی۔ مین رائزنگ نمبر 5 سے کراچی کو پانی کی فراہمی شروع کردی گئی ہے۔ایم ڈی واٹر بورڈ ہاشم رضا زیدی کے مطابق پائپ لائن کی مرمت کے بعد کراچی کو پانی کی فراہم شروع کردی گئی ہے۔

(جاری ہے)

مرمت کا کام ریکارڈ مدت میں مکمل کرنے پر ایم ڈی واٹر بورڈ نے عملے کو شاباش دی ہے اور بحرانی صورتحال میں تعاون پر شہریوں کا شکریہ ادا کیا۔دو روز قبل دھابیجی پمپنگ اسٹیشن پربجلی کے بریک ڈائون کے باعث 72انچ کی پائپ لائن پھٹنے سے دو کلومیٹرکا علاقہ زیرآب آگیا تھا۔لائن کی مرمت کے دوران متبادل لائنوں سے شہر کو پانی فراہم کیا جاتا رہا

Facebook Twitter Google + Share on Whatsapp

دھابیجی میں بجلی کے بریک ڈائون سے پھٹنے والی پائپ لائن کی مرمت مکمل

متعلقہ عنوان :

مزید قومی خبریں