جڑواں شہروں کے درمیان چلنے والی میٹرو بس ڈرائیور کی حاضر دماغی باعث خوفناک حادثہ سے بال بال بچ گئی

مسافروں کی چیخیں نکل گئیں ‘ بچوں اور عورتوں سمیت کئی مسافر سیٹوں سے اچھل کر فرش پر جا گرے

اتوار 25 جون 2017 14:20

جڑواں شہروں کے درمیان چلنے والی میٹرو بس ڈرائیور کی حاضر دماغی باعث ..

اسلام آباد(اُردو پوائنٹ اخبارتازہ ترین - آئی این پی۔ 25 جون2017ء) راولپنڈی اور اسلام آباد کے درمیان چلنے والی میٹرو بس سروس کشمیر ہائی وے اسٹیشن پر اتوار کی صبح ڈرائیور کی حاضر دماغی کے باعث خوفناک حادثہ سے بال بال بچ گئی ۔

(جاری ہے)

تفصیلات کے مطابق راولپنڈی سے اسلام آباد جانے والی میٹرو بس جب کشمیر ہائی وے اسٹیشن سے سیکرٹریٹ کی طرف جا رہی تھی تو میٹرو کی دوسری بس راولپنڈی صدر جانے والی لین پر جانے کی بجائے راولپنڈی سے اسلام آباد جانے والی لین پر آگئی ۔

موڑ کے باعث دونوں ڈرائیور ایک دوسرے کو دیکھ نہیں سکے ۔ صدر کی طرف جانے والی میٹرو بس کو ایم 27کے ڈرائیور نے جونہی موڑ مڑتے ہوئے دیکھا تو فوراً بریک لگائی ۔ بریک اتنی زور سے لگائی گئی کہ بچوں اور عورتوں سمیت کئی مسافر نشستوں سے اچھل کر فرش پر آگئے ۔عورتوں اور بچوں کی چیخیں نکل گئیں تاہم کسی قسم کا کوئی جانی نقصان نہیں ہوا اورمیٹرو بس ڈرائیور کی حاضری دماغی کے باعث خوفناک حادثے سے بال بال بچ گئی ۔