شام میں داعش کے زیر انتظام جیل پر فضائی حملہ، 42 قیدی ہلاک، متعدد زخمی

امریکا کی قیادت میں اتحاد کے لڑاکا طیاروں نے شام کے شہر المیادین میں قائم داعش کی جیل کو نشانہ بنایا، حملے میں بڑے پیمانے پر جانی و مالی نقصان ہوا،تنظیم انسانی حقوق

بدھ 28 جون 2017 13:49

شام میں داعش کے زیر انتظام جیل پر فضائی حملہ، 42 قیدی ہلاک، متعدد زخمی

د مشق(اُردو پوائنٹ اخبارتازہ ترین - آئی این پی۔ 28 جون2017ء) شام میں داعش کے زیر قبضہ ایک قصبے میں واقع جیل پر فضائی حملے میں 42قیدی ہلاک اور متعدد زخمی ہوگئے ۔

(جاری ہے)

غیر ملکی میڈیا کے مطابق شام میں داعش کے زیر قبضہ ایک قصبے میں واقع جیل پر فضائی حملے میں 42قیدی اپنی جان سے ہاتھ دھو بیٹھے جبکہ متعدد زخمی ہوگئے ہیں۔عرب ٹی وی کے مطابق برطانیہ میں قائم شامی رصدگاہ برائے انسانی حقوق نے کہا امریکا کی قیادت میں اتحاد کے لڑاکا طیاروں نے شام کے شہر المیادین میں قائم داعش کی جیل کو نشانہ بنایا۔ اس حملے میں بڑے پیمانے پر جانی و مالی نقصان ہوا۔ اتحادی فوج کے ایک ترجمان نے بیان میں کہا کہ واقعے کا جائزہ لیا جا رہا ہے۔