وکی لیکس کے بانی اسنوڈن نے اسامہ کے زندہ ہونے کا دعویٰ کردیا

اسامہ امریکی خفیہ ایجنسی سی آئی اے کے خرچے پر شاندار اور پر تعیش زندگی گزار رہا ہے،روسی اخبار کو انٹرویو

پیر 3 جولائی 2017 15:14

وکی لیکس کے بانی اسنوڈن نے اسامہ کے زندہ ہونے کا دعویٰ کردیا
ماسکو(اُردو پوائنٹ اخبارتازہ ترین - این این آئی۔ 03 جولائی2017ء) امریکا کی نیشنل سیکورٹی ایجنسی کے منحرف رکن ایڈورڈ اسنوڈن نے دعویٰ کیا ہے کہ اسامہ بن لادن زندہ اور خیریت سے جزیرہ بہاماس میں ہیں۔غیرملکی خبررساں ادارے کے مطابق ماسکو میں ایک انٹرویو میں ایڈورڈ اسنوڈ ن نے متنازع دعوے میں کہا کہ ان کو حاصل ہونے والی کچھ خفیہ معلومات کے مطابق اسامہ بن لادن اب بھی زندہ ہے۔

(جاری ہے)

روس میں پناہ لینے والے اسنوڈن نے اسامہ کے متعلق دعویٰ ایک روسی اخبار سے انٹرویو میں کیا۔اسنوڈن نے کہا کہ اسامہ نہ صرف زندہ ہے بلکہ سی آئی اے کی جانب سے باقاعدہ ادائیگیوں کی وجہ سے وہاں شاندار اور پر تعیش زندگی گزار رہا ہے۔اسنوڈن نے کہا کہ سی آئی اے نے القاعدہ کے سابق رہنما کی جعلی موت کا شور مچایا جبکہ وہ دراصل بہاماس کے ایک نامعلوم مقام پر اپنے خاندان کے ساتھ منتقل ہوا تھا۔

متعلقہ عنوان :