بھارتی عوام نے موٹرسائیکل کی پوجا شروع کر دی

ہفتہ 8 جولائی 2017 13:09

راجستھان:(اُردو پوائنٹ اخبارتازہ ترین - آن لائن۔ 08 جولائی2017ء) بھارتی شہر جودھپور سے 50 کلو میٹر کے فاصلے پر ریاست راجستھان کے ایک گاؤں میں ایک مندر ہے جہاں ایک پرانی موٹر سائیکل اور اس کے فوت شدہ مالک کی بھی پوجا کی جاتی ہے۔ یہاں"اوم بابا" اور "گولی (بلٹ) بابا" مندر کی داستان 30 برس پرانی ہے۔

(جاری ہے)

قصہ کچھ اس طرح سے ہے کہ پالی شہر کے علاقے چوٹیلا کے ایک معزز دیہاتی کا بیٹا اوم سنگھ راٹھور اپنی 350 سی سی این فیلڈ موٹرسائیکل پر گھر آ رہا تھا کہ اچانک درخت سے ٹکرا کر 20 فٹ گہری کھائی میں جا گرا اور اگلے دن اس کی لاش ٹوٹی موٹرسائیکل کے ساتھ ملی۔

گاؤں والوں کے مطابق اس حادثے کے بعد عجیب و غریب واقعات رونما ہوئے، پے درپے واقعات کے بعد عوام نے موٹر سائیکل سے عجیب و غریب داستانیں منسوب کر کے اسے اوتار کا درجہ دیدیا اور ایک چھوٹا مندر بنا کر اس کی پوجا شروع کر دی اور اس مندر کو "بلٹ بابا" کے مندر کا نام دے دیا گیا۔مندر میں موٹرسائیکل کو شیشوں کے درمیان بند کر کے رکھا گیا ہے جہاں روزانہ پورے راجستھان سے لوگ آتے اور اس کی پوجا کرنے کے ساتھ اس پر چڑھاوے بھی چڑھاتے ہیں۔

Facebook Twitter Google + Share on Whatsapp

بھارتی عوام نے موٹرسائیکل کی پوجا شروع کر دی

متعلقہ عنوان :

مزید بین الاقوامی خبریں