یورپی یونین کے ساتھ تجارتی معاہدے پر امریکا سے دوبارہ مذاکرات کے لیے تیار ہیں،جرمن چانسلر انجیلا میرکل

منگل 11 جولائی 2017 23:12

برلن۔ (اُردو پوائنٹ اخبارتازہ ترین - اے پی پی۔ 11 جولائی2017ء) جرمن چانسلر انجیلا میرکل نے کہا ہے کہ وہ یورپی یونین کے ساتھ ایک تجارتی معاہدے پر امریکا سے دوبارہ مذاکرات کے لیے تیار ہیں۔

(جاری ہے)

جرمن خبر رساں ادارے ڈی پی اے سے موصولہ رپورٹ کے مطابق باویریا میں کاروباری افراد کے ایک وفد کے ساتھ ایک ملاقات میں چانسلر میرکل نے کہا کہ ٹرمپ انتظامیہ نے ٹرانس اٹلانٹک معاہدے پر مذاکرات کے آغاز کا عندیہ دیا ہے۔ گزشتہ ماہ برلن کے دورے پر آئے ہوئے امریکی سیکریٹری تجارت ولبر روز نے کہا تھا کہ امریکا اور یورپی یونین کے درمیان آزادانہ تجارت کا معاہدہ ہونا چاہیے۔