ویمنز ہاکی ورلڈ کپ کوالیفائرز، جرمنی اور بھارت کوارٹر فائنل میں داخل

پیر 17 جولائی 2017 16:44

جوہانسبرگ ۔ (اُردو پوائنٹ اخبارتازہ ترین - اے پی پی۔ 17 جولائی2017ء) ویمنز ہاکی ورلڈ کپ کوالیفائرز میں جرمنی، بھارت، ارجنٹائن، امریکا، جاپان، آئرلینڈ، انگلینڈ اور جنوبی افریقہ نے کوارٹر فائنل میں جگہ بنا لی۔

(جاری ہے)

تفصیلات کے مطابق خواتین عالمی کپ کا کوالیفائنگ ٹورنامنٹ جنوبی افریقہ کے شہر جوہانسبرگ میں جاری ہے۔ پول اے میں کھیلے گئے میچ میں جرمنی نے جاپان کو بآسانی 3-0 سے شکست دی۔ انگلینڈ نے آئرلینڈ کو دو کے مقابلے میں تین گول سے ہرایا۔ جنوبی افریقہ نے امریکا کو 3-2 سے شکست دی جبکہ ارجنٹائن نے بھارت کو یکطرفہ مقابلے کے بعد 3-0 سے زیر کیا۔