وزیراعظم سے استعفیٰ ،پی پی پی رہنمائوں کی بلاول کو کراچی سے اسلام آباد ٹرین مارچ کی تجویز

آصف زرداری کی مشاورت کے بعد ہی حتمی فیصلہ کیا جائے گا، ذرائع

پیر 17 جولائی 2017 18:22

وزیراعظم سے استعفیٰ ،پی پی پی رہنمائوں کی بلاول کو کراچی سے اسلام آباد ..

اسلام آباد(اُردو پوائنٹ اخبارتازہ ترین - آن لائن۔ 17 جولائی2017ء) پاکستان پیپلزپارٹی کے رہنماؤں نے پارٹی چیئرمین بلاول بھٹو زرداری کو وزیراعظم سے استعفیٰ لینے کے معاملے پر کراچی سے اسلام آباد تک ٹرین مارچ کرنے کی تجویز دیدی تاہم شریک چیئرمین آصف علی زرداری کی مشاورت کے بعد ہی حتمی فیصلہ کیا جائے گا، ذرائع کے مطابق پارٹی کے سینیئر رہنماؤں نے بلاول بھٹو زرداری کو مشورہ دیا ہے کہ وہ وزیراعظم نواز شریف کو استعفیٰ دینے پر مجبور کرنے کیلئے کراچی سے وفاقی دارالحکومت تک ٹرین مارچ کریں اور مارچ کے دوران پنجاب وسندھ کے مختلف اسٹیشنوں پر کارکنوں سے خطاب کریں تاکہ حکومت وقت پر دباؤ ڈال کر وزیراعظم نواز شریف کو استعفیٰ دینے پر مجبور کیا جا سکے، ذرائع نے بتایا کہ ٹرین مارچ کے انعقاد کا باقاعدہ فیصلہ پارٹی کے شریک چیئرمین آصف علی زرداری سے مشاورت کے بعد ہی کیا جائے گا۔