مسلم لیگ ن نظام کو بچائے وزیر اعظم کو نہیں،فاروق ستار

جے آئی ٹی رپورٹ کے بعد وزیر اعظم کے استعفے پر تمام اپوزیشن جماعتیں متفق ہیں،نواز شریف کومستعفی ہو کر عدالت میں عام آدمی کی حیثیت سے پیش ہونا چاہیئے،میڈیا سے گفتگو

پیر 17 جولائی 2017 18:22

مسلم لیگ ن نظام کو بچائے وزیر اعظم کو نہیں،فاروق ستار

اسلام آباد(اُردو پوائنٹ اخبارتازہ ترین - آن لائن۔ 17 جولائی2017ء) ایم کیو ایم پاکستان کے سربراہ ڈاکٹر فاروق ستار نے کہا ہے کہ مسلم لیگ ن کو چاہیے کہ اس نظام کو بچائے وزیر اعظم کو نہیں،جے آئی ٹی رپورٹ کے بعد وزیر اعظم کے استعفے پر تمام اپوزیشن جماعتیں متفق ہیں،نواز شریف کومستعفی ہو کر عدالت میں عام آدمی کی حیثیت سے پیش ہونا چاہیئے۔

(جاری ہے)

پیر کو پانامہ کیس کی سماعت کے موقع پر سپریم کورٹ کے باہر میڈیا سے گفتگو کرتے ہوئے کہا ہے کہ وزیر اعظم نواز شریف کے استعفے پر تمام اپوزیشن جماعتوں کا اتفاق ہے، نواز شریف کو عہدے سے مستعفی ہو کر عدلتوں کا سامنا کرنا چاہیئے،انہوں نے کہا کہ جے آئی ٹی کی رپورٹ کے بعد نوازشریف اخلاقی جواز کھوچکے ہیں نوازشریف کو عام آدمی کی حیثیت سے عدالت میں پیش ہونا چاہیے یہ اداروں اور حکومت کی بھی آزمائش ہے، مسلم لیگ ن کو چاہیے کہ اس نظام کو بچائے وزیر اعظم کو نہیں، ن لیگ اکثریتی جماعت ہے ملک کو بحران کی جانب نہ دھکیلے۔

حسن رضا